Да ўдзелу ва ўступных выпрабаваннях дапушчаныя 328 абітурыентаў, з якіх 194 абітурыенты падалі заяву на дзённую форму атрымання адукацыі, а 134 - на завочную.

Уступныя выпрабаванні па спецыяльнасцях для абітурыентаў магістратуры ў 2020 годзе праходзяць у адпаведнасці з зацверджаным раскладам 7 і 9 ліпеня ў 2 змены, а кансультацыі для абітурыентаў арганізаваны напярэдадні ўступных выпрабаванняў (6 і 8 ліпеня адпаведна). Для кожнага абітурыента пры рэгістрацыі дакументаў электронная сістэма аўтаматычна вызначыла дату правядзення выпрабавання і канкрэтны час яўкі на экзамен, з мэтай скараціць час папярэдняга чакання пачатку ўступных іспытаў.

У гэтым годзе без уступных выпрабаванняў у лік магістрантаў будзе залічаны 1 абітурыент. Выпускнік факультэта эканомікі і кіравання 2020 года Віктар Адынец з'яўляецца ўладальнікам нагруднага знака "Лаўрэат спецыяльнага фонду Прэзідэнта Рэспублікі Беларусь па сацыяльнай падтрымцы здольных навучэнцаў І студэнтаў". Віктар з'яўляецца адным з пераможцаў паўфіналу каманднага чэмпіянату свету па спартовым праграміраванні.

Залічэнне ў лік студэнтаў II ступені атрымання вышэйшай адукацыі дзённай і завочнай форм атрымання адукацыі за кошт сродкаў рэспубліканскага бюджэту пройдзе 13 ліпеня, на платнай аснове - 16 ліпеня.