У рамках канферэнцыі купалаўцы прадставілі чатыры навуковыя даклады ў секцыі «Кампазіцыйныя матэрыялы, праектаванне будынкаў і сейсматрываласць будаўніцтва».

Так, старшы выкладчык кафедры будаўнічай вытворчасці Таццяна Булай распавяла аб кампазіцыйных матэрыялах на аснове серы і серных адходаў. Пасля дакладу ёй было прапанавана апублікаваць свае вынікі ў навуковым часопісе «Весткі вышэйшых навучальных устаноў. Будаўніцтва» Навасібірскага дзяржаўнага архітэктурна-будаўнічага ўніверсітэта (Сібстрын), які мае адзін з самых высокіх рэйтынгаў сярод выдавецкіх часопісаў Расійскай Федэрацыі.

Асаблівую цікавасць выклікаў даклад выкладчыка кафедры будаўнічай вытворчасці Ірыны Белкінай аб палімерпесчаных кампазітаў на аснове адходаў пластыка. Удзельнікаў зацікавілі склад і ўласцівасці доследнага матэрыялу.

Магістрант Ян Навіцкі прадставіў даследаванне драўляных бэлек камбінаванай канструкцыі з ужываннем кампазітных матэрыялаў, а старэйшы выкладчык кафедры будаўнічых канструкцый Святлана Сазон распавяла аб праведзеным параўнальным аналізе тэндэнцый вытворчасці і прымянення будаўнічых кампазітаў у Рэспубліцы Беларусь і краінах Еўрасаюза. Даклады магістрантаў таксама выклікалі вялікую цікавасць і былі абмеркаваныя ўдзельнікамі канферэнцыі.

Па выніках канферэнцыі даклады Таццяны Булай, Ірыны Белкінай і Святланы Сазон занялі першае месца, Яна Навіцкага - другое.

Міжнародны ўніверсітэт інавацыйных тэхналогій горада Бішкек і Навасібірскі дзяржаўны архітэктурна-будаўнічы ўніверсітэт (Сібстрын) прапанавалі інжынерна-будаўнічаму факультэту працягваць супрацоўніцтва. Універсітэты плануюць арганізоўваць сумесныя канферэнцыі і навучальныя семінары, навукова-даследчыя работы, абмен выкладчыкамі, майстар-класы з прыцягненнем студэнтаў і многае іншае.

[Widgetkit id = 3729]