Алімпіяда была падрыхтавана кафедрай моўнай падрыхтоўкі беларускіх і замежных грамадзян і прайшла на факультэце давузаўскай падрыхтоўкі 22 мая. Яе ўдзельнікамі сталі замежныя студэнты і слухачы з Гродзенскага дзяржаўнага ўніверсітэта імя Янкі Купалы, Гродзенскага дзяржаўнага медыцынскага ўніверсітэта, Гродзенскага дзяржаўнага аграрнага ўніверсітэта. III Рэгіянальная алімпіяда па рускай мове як замежнай у онлайн-фармаце праходзіла ў 3 этапы - гэта вусныя выказванні, аўдзіраванне і лексіка-граматычны тэст. Па выніках інтэлектуальнага спаборніцтва дыпломаў I ступені ўдастоены прадстаўнік ГрДУ імя Янкі Купалы Цуй Ханьвэнь і прадстаўнік ГрДМУ Айшат Шамаілу Хусейн. Дыпломы II ступені атрымалі студэнты ГрДМУ Абдул Саттар Шаха, Айшат Атхіфа Алі, Мар'ям Іхудхаа. III месца падзялілі прадстаўнікі Купалаўскага ўніверсітэта Мусімва Мвана Ва Бэнэ і Башыр Уссама Ібрагім і прадстаўнік ГрДМУ Міхаша Марыям.

[widgetkit id=3724