Па рашэнні савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў, зацверджаным Кіраўніком дзяржавы Аляксандрам Лукашэнкам, прэміямі адзначаны педагагічныя, навуковыя работнікі.Заахвочвальнай прэміяй за асаблівы ўнёсак у развіццё здольнасцяў адораных навучэнцаў і студэнтаў па выніках 2017/2018 навучальнага года ўзнагароджаны старшы выкладчык кафедры матэматычнага і інфармацыйнага забеспячэння эканамічных сістэм Юрый Сцёпін.
Пад кіраўніцтвам Юрыя Сцёпіна студэнты ГрДУ імя Янкі Купалы прымаюць удзел у міжнародных чэмпіянатах і зборах па спартыўным праграмаванні, а таксама праводзяцца вучэбна-трэніровачныя зборы ў купалаўскім універсітэце.
Усяго прэміямі заахвочаны 198 педагогаў і навуковых работнікаў, якія ўнеслі ўклад у развіццё здольнасцяў таленавітай моладзі.