Кампанія ТАА «Ліра і Ко» займаецца распрацоўкай сродкаў, якія могуць быць карыснымі і актуальнымі для бягучай эпідсітуацыі ў свеце. Супрацоўнікі прадпрыемства прадэманстравалі дзве гатовыя мадэлі сродкаў абароны, у планах - яшчэ адна. Сёння ўсе яны нацэлены на розныя стадыі працы па барацьбе з каронавіруснай інфекцыяй. Дарэчы, працаваць каманда распрацоўшчыкаў - спецыялістаў з розных абласцей - можа ў digital-кірунку, то ёсць выдалена, без прывязкі да аднаго месца.

- Мы распрацавалі бескантактавы шматразовы рэспіратар. Гэтую мадэль не трэба апранаць на твар, яна цалкам герметызуе вобласць вакол галавы. Іх можна дэзінфікаваць і выкарыстоўваць не адзін раз, - адзначае кіраўнік кампаніі Павел Крывенка.

Таксама каманда стварае ахоўныя касцюмы:

- Наша прадукцыя прадумана да дробязяў. З выгляду - звычайны касцюм, але ў ім выкарыстоўваецца шмат тэхналагічных падыходаў. Акрамя таго, для ўдасканалення прадукцыі мы яе тэстуем. Напрыклад, урач-рэаніматолаг знаходзіцца ў такім касцюме вельмі доўга, ад 6 да 12 гадзін, таму пад кожны тып медыцынскага напрамку гэтая прадукцыя мадыфікуецца і змяняецца.

Варта адзначыць, што ТАА «Ліра і Ко» ужо ўзаемадзейнічае з некалькімі медыцынскімі арганізацыямі, у тым ліку выступае ў ролі спонсараў.