Міжнародны конкурс быў прысвечаны святкаванню Году тэатра ў Расіі, Году моў карэнных народаў, 220-годдзю з дня нараджэння рускага паэта Аляксандра Сяргеевіча Пушкіна. У ім мог удзельнічаць любы студэнт або вучань з Расіі ці за яе межамі, які вывучае рускую мову як замежную ці як родную. Конкурс быў абвешчаны ў чатырох катэгорыях: эсэ, аналітычны артыкул, навукова-даследчы праект, фотаэссэ «Падарожнічаючы па Расіі».

У каманду ўдзельнікаў ад Гродзенскай вобласці ўвайшлі студэнты філалагічнага факультэта Купалаўскага ўніверсітэта спецыяльнасці «Руская філалогія» і навучэнцы школ вобласці розных узроставых катэгорый - да Алімпіяды іх падрыхтавала дацэнт кафедры рускай філалогіі Зоя Сідаровіч.

Па выніках VI Міжнароднай алімпіяды «Рускае слова» студэнткі філалагічнага факультэта Вольга Афанасенкава і Гражына Кіжук сталі пераможцамі ў конкурсе эсэ і атрымалі дыпломы I ступені. Студэнтка 4 курса Ніна Кароль была ўдастоена дыплома I ступені ў конкурсе фотаэссэ, а студэнтка 2 курса Кацярына Пічкоўская - узнагароджана дыпломам II ступені за ўдзел у конкурсе фотаэссэ «Падарожнічаючы па Расіі». Шэсць школьнікаў розных узроставых катэгорый таксама сталі пераможцамі ў розных намінацыях.

Арганізатарам Алімпіяды выступіла кафедра славістыкі «Петру Караман» і Кабінет рускай мовы факультэта славеснасці Яскага ўніверсітэта «Ал. І. Кузы» (Румынія). Гродзенскі дзяржаўны ўніверсітэт імя Янкі Купалы стаў партнёрам міжнароднага праекта.