Міжнародны ўніверсітэт "МІПСА", Беларускае Таварыства Чырвонага Крыжа, Нацыянальны цэнтр прававой інфармацыі Рэспублікі Беларусь, Упраўленне Вярхоўнага камісара ААН па справах бежанцаў запрашаюць студэнтаў (курсантаў) юрыдычных, эканамічных, экалагічных і ваенных спецыяльнасцяў, факультэтаў устаноў вышэйшай адукацыі да ўдзелу ў конкурсе на лепшае эсэ «Міжнародна-прававая абарона дзяцей-уцекачоў».
Мэта конкурсу: прыцягненне ўвагі навучэнцаў да праблем і напрамкаў абароны правоў дзяцей-уцекачоў, вымушаных пакінуць месца свайго пражывання.
Удзельнікі конкурсу: студэнты (курсанты) юрыдычных, эканамічных, экалагічных і ваенных спецыяльнасцяў, факультэтаў устаноў вышэйшай адукацыі ўсіх формаў атрымання адукацыі.
Напрамкі даследавання (тэматыка эсэ):
¾ Арганізацыйна-прававыя аспекты абароны правоў дзяцей-бежанцаў на ўніверсальным узроўні.
¾ Прававое рэгуляванне абароны правоў дзяцей-уцекачоў у Еўрапейскім саюзе.
¾ Роля міжнародных і рэгіянальных арганізацый у забеспячэнні абароны правоў дзяцей-бежанцаў.
Патрабаванні да эсэ:
Эсэ не павінна перавышаць 4-х старонак. Шрыфт Times New Roman 14 pt., адзінарны інтэрвал. Палі па 2 см з кожнага боку. Абзацны водступ 1.25 см. Эсэ павінна насіць самастойны, інавацыйны, даследчы характар і раскрываць заяўленую тэму. Эсэ, якія ўяўляюць сабой плагіят (запазычанне фрагментаў чужых твораў без ўказання крыніцы запазычання і т. п.), выключаюцца з удзелу ў конкурсе. Эсэ павінна мець самастойную назву па адным з прапанаваных напрамкаў даследавання (тэматыцы эсэ).
Адзін удзельнік можа накіраваць на конкурс толькі адно эсэ.
Праца разам з анкетай удзельніка накіроўваецца: на электронны адрас: kmp@mitso.by (з пазнакай "На конкурс_2020"). Дадатковую інфармацыю аб конкурсе можна атрымаць па тэл. (017) 279-98-51, (029) 635-43-03 (дацэнт кафедры міжнароднага права Лянцэвіч Вольга Міхайлаўна).
Тэрмін прыёму прац на конкурс: з 24 лютага па 17 красавіка 2020 года
Па выніках конкурсу будуць вызначаны лаўрэаты, якія набралі максімальную колькасць балаў па незалежнай ацэнцы работ журы з ліку арганізатараў конкурсу. Цырымонія ўзнагароджання лаўрэатаў конкурсу адбудзецца на навукова-практычнай канферэнцыі «Міжнародная абарона правоў бежанцаў і мігрантаў» 19 мая 2020 года ў Міжнародным універсітэце "МІПСА".
Лаўрэаты будуць узнагароджаны дыпломамі і прызамі Беларускага Таварыства Чырвонага Крыжа, Нацыянальнага цэнтра прававой інфармацыі Рэспублікі Беларусь, Упраўлення Вярхоўнага камісара ААН па справах бежанцаў і Міжнароднага ўніверсітэта "МІПСА". Працы лаўрэатаў будуць апублікаваны.