75-годдзю Вялікай Перамогі прысвяцілі свае выступы ўдзельнікі студыі гутарковага жанру «Канферанс», мастацкі кіраўнік Маргарыта Рукша і «народны» аркестр рускіх народных інструментаў, мастацкі кіраўнік Ганна Зайцава.

Тэма малой радзімы ярка і з любоўю адбілася ў прэзентацыі дызайнерскай калекцыі тэатра моды «Уні-АРТ», мастацкі кіраўнік Віялета Куроўская, і самабытным абрадзе «народнага» клуба славянскіх адзінаборстваў «Арыдан», мастацкі кіраўнік Уладзімір Адамаў. Яркія вакальныя творы ў выкананні салістаў і вакальнага ансамбля студыі эстрадных спеваў «Уні-song» пад кіраўніцтвам кіраўнік Алены Стэльмах нікога не пакінулі абыякавым.

Сапраўдным упрыгожаннем праграмы стаў зводны харэаграфічны нумар «Будуем інтэрнат разам» з удзелам калектыву сучаснай харэаграфіі «Stu-dance», мастацкі кіраўнік Дыяна Духаніна, і калектыву сучаснай харэаграфіі «Break», мастацкі кіраўнік Юрый Кізер. У падрыхтоўцы сінтез-нумароў таксама прынялі актыўны ўдзел чэрлідзерскія групы філалагічнага факультэта і факультэта эканомікі і кіравання.

Сваю аўтарскую тэатральную пастаноўку «Споведзь артыста» прэзентавалі студэнты факультэта эканомікі і кіравання, удзельнікі «Народнага» студэнцкага тэатра «Вернісаж», мастацкі кіраўнік Юрый Коцін. Усе відэаматэрыялы выступленняў перададзеныя ў журы рэспубліканскага конкурсу.

Варта адзначыць, што студэнты Купалаўскага ўніверсітэта ўжо традыцыйна дасягаюць вышынь у рэспубліканскім праекце: ГрДУ імя Янкі Купалы тройчы станавіўся ўладальнікам Гран-пры «АРТ-вакацый» у 2012, у 2016 і ў 2018 годзе.