У ліку экспанатаў ГрДУ імя Янкі Купалы - мікрапрацэсарныя сістэмы аўтаматызацыі спектральных комплексаў, аўтарамі якой з'яўляюцца дэкан фізіка-тэхнічнага факультэта Андрэй Герман і загадчык лабараторыі электрафізічных вымярэнняў Артур Ліцкевіч. Распрацоўкі прызначаны для аўтаматызацыі спектральных вымярэнняў пры стварэнні новых і мадэрнізацыі існуючых спектрометраў усіх відаў. Іх перавагай з'яўляюцца выкарыстанне высокаадчувальных дэтэктараў, што дазваляе рэгістраваць сверхслабыя светлавыя патокі, праца з любымі тыпамі монахраматараў, рэалізацыя заказных дадатковых функцый, шматфункцыянальнае праграмнае забеспячэнне, любыя інтэрфейсы, сучасная элементная база, высокая надзейнасць і нізкі кошт. Варта падкрэсліць, што распрацаваныя праграмна-апаратныя комплексы ўжо пастаўлены на экспарт і паспяхова ўведзены ў эксплуатацыю ў Рэспубліцы Казахстан.

Дзве распрацоўкі, прадстаўленыя на пляцоўцы ГрДУ імя Янкі Купалы, належаць прафесару кафедры электратэхнікі і электронікі Іосіфу Зейліковічу. Гэта комплекс для лекцыйных дэманстрацый і лабараторных работ, выканання магістарскіх і PhD праграм па фізічнай оптыцы, прызначаны для дэманстрацыі інтэрферэнцыі, дыфракцыі і дысперсіі святла. Адметнай асаблівасцю праекта з'яўляецца кампенсацыя вібрацый, якая дазваляе атрымліваць інтэрферэнцыю святла на звычайным лабараторным стале. Другая распрацоўка Іосіфа Зейліковіча - пілотны ўзор устаноўкі для вывучэння рэзанансных ваганняў генераваных электрамагнітнай індукцыяй для студэнцкіх лабараторый універсітэтаў, а таксама выканання магістарскіх і PhD праграм дазваляе даследаваць свабодныя, вымушаныя, звязаныя і нелінейныя ваганні спружынных маятнікаў.

Сярод экспанатаў выставы - энергаэфектыўныя крапежныя элементы, аўтарамі якіх з'яўляюцца супрацоўнікі кафедры матэрыялазнаўства і рэсурсазберагальных тэхналогій. Энергаэфектыўныя крапежныя элементы прымяняюцца ў будаўнічай індустрыі для фіксацыі і мацавання функцыянальных панэляў пры цеплавой рэабілітацыі будынкаў і збудаванняў, прылады вентыляваных падлог і падвесных столяў. У ліку тэхнічных пераваг распрацоўкі - прадухіленне энергетычных страт праз металічныя «цеплавыя мосцікі», выключэнне з'яўлення карозіі, выкарыстанне другаснай сыравіны.

Яшчэ адна інавацыйная распрацоўка навукоўцаў Купалаўскага ўніверсітэта - высокатрывалыя трыбатхнічныя матэрыялы на аснове політэтрафторэтылена. Яе стваральнікі - дэкан факультэта інавацыйных тэхналогій машынабудавання Аляксандр Варанцоў і загадчык кафедры матэрыялазнаўства і рэсурсазберагальных тэхналогій Аляксандр Скаскевіч. Сутнасць праекта складаецца ў стварэнні вытворчасці высокатрывалых трыбатэхнічных фторкампозітораў для патрэб машынабудавання, нафтахімічнага і энергетычнага комплексу, якая дазволіць істотна палепшыць эксплуатацыйныя характарыстыкі матэрыялаў разам са зніжэннем выдаткаў пры іх вытворчасці. Асноўная тэхнічная перавага інавацыі - з'яўленне новых кампазіцыйных матэрыялаў для патрэб машынабудавання, нафтахімічнага і энергетычнага комплексу, якія валодаюць высокімі параметрамі трываласці і зносаўстойлівасці. У ліку эканамічных пераваг - зніжэнне энергаспажывання, памяншэнне выдаткаў у машынабудаўнічым, нафтахімічным і энергетычным комплексах за кошт павышэння ўзроўню рэсурсу, надзейнасці і бяспекі эксплуатацыі тэхналагічнага абсталявання.