Удзельнікамі спаборніцтваў сталі 18 каманд устаноў вышэйшай адукацыі Беларусі. У камандным заліку купалаўцы сталі чацвёртымі, аднак у асабістых першынствах студэнтам удалося заваяваць прызавыя месцы.
Так, тры золата прынеслі Гродзенскаму дзяржаўнаму ўніверсітэту імя Янкі Купалы дзяўчыны. Рэната Худзік стала першай у вагавой катэгорыі да 67 кг, Алена Бажко заваявала золата ў катэгорыі да 62 кг, а Юлія Цімошчанка заняла першую прыступку п'едэстала ў вагавой катэгорыі да 53 кг.
Акрамя таго, у спаборніцтвах сярод юнакоў чатыры купалаўца сталі бронзавымі прызёрамі. Гэта Цімур Яндзіеў, вагавая катэгорыя да 80 кг, Максім Дзем'яновіч ў катэгорыі да 74 кг, Уладзіслаў Маркевіч у катэгорыі да 63 кг і Сяргей Лукашэвіч, катэгорыя да 58 кг.