Надрукаваць гэтую старонку
Апублікавана ў Серада, 27 Лістапад 2019 11:14

Студэнткі ГрДУ імя Янкі Купалы сталі прызёрамі і пераможцамі I Міжнароднага фестывалю мастацтваў «Gomel fest 2019»

Фестываль прайшоў з 14 па 16 лістапада ў Гомелі.

На сцэне Гомельскага цэнтра культуры ўдзельнікі фестывалю прадстаўлялі свае творчыя нумары ў жанрах інструментальнай, тэатральнай і размоўнай творчасці, вакальнага і харэаграфічнага мастацтва. У конкурснай праграме прынялі ўдзел каля 2 тысяч удзельнікаў, якія выступілі ў рамках 400 творчых нумароў. Завяршыўся I Міжнародны фестываль мастацтваў «Gomel Fest 2019» гала-канцэртам лепшых выканаўцаў і ўзнагароджаннем пераможцаў.

Вакальны талент студэнтак спецыяльнасці "Музычнае мастацтва і сусветная мастацкая культура" факультэта мастацтваў і дызайну ГрДУ імя Янкі Купалы быў высока адзначаны журы конкурсу. Так, студэнтка Яна Янукевіч узнагароджана дыпломам лаўрэата I ступені ў намінацыі «Вакальная творчасць», а вакальнае трыа «TrinIti» студэнтак Людмілы Валейка, Яны Янукевіч і Лізаветы Мяжуй - дыпломам лаўрэата II ступені. Кіраўнік канкурсантак - выкладчык кафедры музычнага мастацтва Вераніка Дарашкевіч.

 

17032 1

 

17032 2