У раённых цэнтрах Гродзенскай вобласці тэсціраванне завяршылася 5 лістапада, у Гродна яно будзе доўжыцца да 23 лістапада. Рабятамі ўжо выканана каля 10 000 тэстаў. Самымі папулярнымі прадметамі на рэпетыцыйным тэсціраванні па-ранейшаму застаюцца руская мова, матэматыка, англійская мова.

Для таго, каб якасна арганізаваць працэс правядзення тэсціравання, спецыялісты рэгіянальнага цэнтра тэсціравання і прафарыентацыі моладзі ГрДУ імя Янкі Купалы ў кожным раённым цэнтры правялі навучальныя семінары-практыкумы для арганізатараў. Асаблівая ўвага была ўдзелена пытанням запаўнення бланка адказаў, інфармацыйнай бяспекі, правілам паводзін удзельнікаў тэсціравання. Арганізатары тэсціравання ў раённых цэнтрах атрымалі ад калегаў з Гродна метадычныя рэкамендацыі з кароткім алгарытмам дзеянняў падчас правядзення тэсціравання.

Дарэчы, асаблівасцю правядзення рэпетыцыйнага тэсціравання сёлета стала рэгістрацыя для ўдзелу ў тэсціраванні ў рэжыме оnline на сайце Рэспубліканскага інстытута кантролю ведаў. Як адзначыла начальнік рэгіянальнага цэнтра тэсціравання і прафарыентацыі моладзі Аксана Валюк, алгарытм рэгістрацыі на тэсціраванне размешчаны на сайце факультэта давузаўскай падрыхтоўкі. Там жа можна знайсці і відэафільм, падрыхтаваны Купалаўскім універсітэтам - у ім наглядна паказаны ўсе этапы рэгістрацыі.

Для таго, каб зарэгістравацца на рэпетыцыйнае тэсціраванне, дзецям неабходна стварыць асабісты кабінет, у якім трэба будзе выбраць прадметы, пункт тэсціравання і дзень для яго праходжання. Першы этап тэсціравання ў Рэспубліцы Беларусь завершыцца ў снежні гэтага года - да гэтага часу кожнаму ўдзельніку ў асабістым кабінеце стане даступны змест заданняў тэстаў і іх вырашэнне.