У ліку запрошаных на свята рэктар ГрДУ імя Янкі Купалы Ірына Кітурка, дацэнт кафедры грамадзянскага права і працэсу Авакаў Вартанян, дацэнт кафедры журналістыкі Сяргей Марозаў, старшы выкладчык кафедры агульнай фізікі Андрэй Лавыш.

Тэкст віншавання Прэзідэнта Беларусі Аляксандра Лукашэнкі педагогам краіны зачытала кіраўнік Адміністрацыі Прэзідэнта Наталля Качанава. Кіраўнік дзяржавы павіншаваў педагогаў з прафесійным святам, адрасаваўшы ім словы асаблівай удзячнасці за высокі прафесіяналізм, вернасць абавязку і прызванню. «Ваша вялікая праца патрабуе поўнай самааддачы, высакароднасці душы, цярпення і бязмежнай любові да дзяцей, - гаворыцца ў віншаванні. - Абапіраючыся на традыцыі і духоўныя каштоўнасці народа, вы вызначаеце заўтрашні дзень краіны. Вядзеце сваіх вучняў да вяршыняў ведаў, фарміруеце асобу, выхоўваеце сапраўдных патрыётаў - грамадзян Айчыны. Перакананы, што аўтарытэт і высокі статус настаўніка ў грамадстве - залог паспяховай будучыні дзяржавы».

«Мы жывем у дынамічны час: развіваецца навука, удасканальваюцца методыкі, абнаўляецца змест адукацыі. Аднак нават самыя сучасныя інфармацыйныя тэхналогіі ніколі не заменяць жывых стасункаў з настаўнікам», - падкрэсліваецца ў віншаванні.

З рук Наталлі Качанавай лепшыя педагогі з усёй краіны атрымалі ганаровыя граматы Адміністрацыі Прэзідэнта. Група настаўнікаў адзначана падзякамі прэм'ер-міністра, граматамі Нацыянальнага сходу, узнагароджана нагруднымі знакамі «Выдатнік адукацыі».

Акрамя таго, напярэдадні прафесійнага свята для педагогаў з розных рэгіёнаў Беларусі была арганізавана экскурсія па Палацы Незалежнасці. У ёй прынялі ўдзел 60 выкладчыкаў, сярод якіх былі прадстаўнікі як старэйшага пакалення, так і маладыя спецыялісты, якія нядаўна  пачалі прафесійную кар'еру. Яны азнаёміліся з інтэр'ерамі аднаго з сімвалаў беларускай дзяржаўнасці - Палацу Незалежнасці, пабывалі ў залах, дзе ўручаюцца дзяржаўныя ўзнагароды, праходзяць нарады Кіраўніка дзяржавы і прымаюцца найважнейшыя для развіцця краіны рашэнні.

Па матэрыялах belta.by