На мерапрыемства запрошаны прадстаўнікі БРСМ, а таксама арганізацый, з якімі ўніверсітэт супрацоўнічае ў рамках працоўных семестраў па арганізацыі другаснай занятасці студэнтаў.

Падчас цырымоніі закрыцця будуць названы лепшыя штабы працоўных спраў ГрДУ імя Янкі Купалы па выніках трэцяга працоўнага семестра 2019 года, а таксама ўручаны  лісты падзякі студатрадаўцаў - тым, хто найбольш актыўна праявіў сябе падчас працы.

Варта адзначыць, што ў гэтым годзе ў Гродзенскім дзяржаўным універсітэце імя Янкі Купалы быў арганізаваны 61 студэнцкі атрад. Сярод іх - педагагічныя, вытворчыя, будаўнічыя, сэрвісныя і экалагічныя. У гэтым годзе на працягу ўсяго Трэцяга працоўнага семестра студэнты ўніверсітэта і навучэнцы каледжаў працавалі на Усебеларускай маладзёжнай будоўлі, у аздараўленчых лагерах Беларусі і Расіі, прадпрыемствах рэгіёну і на аб'ектах роднай alma mater.

Усяго ўдзельнікамі 61 студэнцкага атрада стаў 981 студэнт і навучэнец каледжаў ГрДУ імя Янкі Купалы. Традыцыйна самымі шматлікімі сталі педагагічныя атрады. У рабят была выдатная магчымасць атрымаць практычны досвед працы з дзецьмі ў летніх аздараўленчых лагерах Беларусі - «Купалінка», «Зорька Юбілейная», «Сузор'е», «Дружба», а таксама «Жамчужына Расіі» ў горадзе Анапа Расійскай Федэрацыі. Не менш актыўны ўдзел студэнты прынялі і ў будаўнічых атрадах на аб'ектах, ААТ «Белцеплаізаляцыя», УП «Рэмбудаўтадар», «Гроднапрамбуд», Беларуская АЭС, ГрДУ імя Янкі Купалы і іншых. У складзе сэрвісных атрадаў рабяты працавалі ў Цэнтры тэставання і прыёмнай камісіі ГрДУ імя Янкі Купалы, а таксама кухоннымі рабочымі і ратавальнікамі ў летнім аздараўленчым лагеры «Жамчужына Расіі» ў горадзе Анапа. Акрамя таго студэнты былі задзейнічаны ў складзе вытворчых атрадаў, у прыватнасці, на сумесным расійска-беларускім прадпрыемстве СААТ «ДІФА» - найбуйнейшай у Беларусі вытворцу фільтраў ачысткі паветра, алею і паліва для легкавой, грузавой, сельскагаспадарчай і дарожнай тэхнікі. Варта адзначыць, што ў гэтым годзе з'явіўся экалагічны студатрад, байцы якога былі задзейнічаны на ДЛГУ "Гродзенскі лясгас".