Дэкан факультэта мастацтваў і дызайну Людміла Чарнілоўская ў рамках дагавора аб супрацоўніцтве з Варміньска-Мазурскім універсітэтам у Ольштыне ўвайшла ў склад журы фестывалю разам з прадстаўнікамі вышэйшых навучальных устаноў Літвы, Польшчы, Славакіі, Беларусі.

Акрамя гэтага, Людміла Осіпаўна прыняла ўдзел у канферэнцыі ў рамках фестывалю, дзе прадставіла інфармацыю аб адукацыйным, навуковым і творчым патэнцыяле ГрДУ імя Янкі Купалы і факультэта мастацтваў і дызайну, а таксама наведала структурныя падраздзялення факультэта мастацтваў Варміньска-Мазурскага ўніверсітэта і азнаёмілася з арганізацыяй іх адукацыйнага, творчага і навуковага працэсу.