Тут жа і завяршыў яго, практычна «намаляваўшы» на карце Гродна кальцо па маршруце: плошча Леніна - вуліца Ажэшкі - вуліца Леніна - вуліцы Будзёнага і Свярдлова - вуліца Парыжскай Камуны - плошча Савецкая - вуліца Кастрычніцкая - вуліца Вялікая Траецкая - вуліца Віленская - Каложскі парк - вуліца Кастрычніцкая - вуліца Савецкая - галоўная сцэна на плошчы Леніна.

Агонь II Еўрапейскіх гульняў па вуліцах горада пранеслі людзі, добра вядомыя не толькі ў Гродне, але і за межамі краіны. Сярод іх і выпускнікі ГрДУ імя Янкі Купалы: алімпійская чэмпіёнка па спартыўнай гімнастыцы, дацэнт кафедры спартыўных дысцыплін факультэта фізічнай культуры ГрДУ імя Янкі Купалы Алена Ваўчэцкая, прызёр Алімпійскіх гульняў 2008 і 2016 Іван Ціхан і рэктар БДУ Андрэй Кароль, які з 2013 па 2017 узначальваў ГрДУ імя Янкі Купалы.

Варта адзначыць, што маршрут эстафеты прайшоў каля галоўнага корпуса ГрДУ імя Янкі Купалы па вуліцы Ажэшкі.

Пасля Гродна эстафета «Полымя міру» працягне свой шлях па рэгіёне. 19 мая агонь пабывае на Аўгустоўскім канале і ў аграгарадку Верцялішкі Гродзенскага раёна. У маршруце эстафеты па Гродзенскай вобласці - Ваўкавыскі, Наваградзкі, Лідскі, Карэліцкі, Смаргонскі і Астравецкі раёны. Захавальнікі агню наведаюць самыя значныя аб'екты рэгіёну - помнікі архітэктуры, гісторыі, вядомыя прадпрыемствы.

Нагадаем, што II Еўрапейскія гульні пройдуць у Мінску з 21 па 30 чэрвеня. Больш за 4 тыс. Атлетаў з 50 краін разыграюць 200 камплектаў узнагарод у 15 відах спорту. На сёння 14 студэнтаў-спартсменаў ГрДУ імя Янкі Купалы з'яўляюцца кандыдатамі для ўдзелу ў II Еўрапейскіх гульнях.