Ад асобы рэктара ГрДУ імя Янкі Купалы ўдзельнікаў канферэнцыі павітаў прарэктар па выхаваўчай працы Васілій Сянько. Ён адзначыў, што ва ўніверсітэце актыўна развіваецца валанцёрскі рух, а таксама пажадаў усім удзельнікам плённай працы.
Варта адзначыць, што канферэнцыя прысвечана тром значным датам: 75-годдзю ўтварэння Гродзенскай абласной арганізацыі Чырвоны Крыж, 55-годдзю Службы Сясцёр Міласэрнасці і 70-годдзю падпісання Жэнеўскіх канвенцый, якія складаюць асновы міжнароднага гуманітарнага права.
Удзельнікі форуму абмяркоўваюць гісторыю Чырвонага Крыжа, актуальныя пытанні Міжнароднага гуманітарнага права, а таксама ролю сястры міласэрнасці на шляху да Вялікай Перамогі.
Як распавялі арганізатары, канферэнцыя нацэлена на стварэнне ўмоў для раскрыцця творчых здольнасцяў навучэнскай моладзі ў сферы міласэрнасці і гуманнасці. Сярод задач канферэнцыі - распаўсюджванне ведаў аб Руху Чырвонага крыжа і Чырвонага Паўмесяца, абмен станоўчым вопытам гуманітарнай дзейнасці паміж валанцёрамі, захаванне і папаўненне інтэлектуальнага і гуманітарнага патэнцыялу маладога пакалення.