Надрукаваць гэтую старонку
Апублікавана ў Субота, 11 Май 2019 12:49

ГрДУ імя Янкі Купалы занесены на Рэспубліканскую Дошку Гонару

doskaУрачыстае адкрыццё абноўленай Рэспубліканскай Дошкі Гонару адбылося сёння, 30 красавіка, напярэдадні Свята працы.

На плошчы Дзяржаўнага сцяга адбыўся ўрачысты мітынг, падчас якога ўшаноўвалі пераможцаў рэспубліканскага спаборніцтва па выніках працы за 2018 год, якія дасягнулі найлепшых паказчыкаў у сферы сацыяльна-эканамічнага развіцця. Усяго па выніках працы за 2018 год на Рэспубліканскую Дошку Гонару занесены 59 адміністрацыйна-тэрытарыяльных адзінак і прадпрыемстваў.

У цырымоніі адкрыцця абноўленай Рэспубліканскай Дошкі Гонару прынялі ўдзел першы намеснік міністра эканомікі Аляксандр Чарвякоў, кіраўнікі і прадстаўнікі працоўных калектываў, мясцовых выканаўчых і распарадчых органаў, якія сталі пераможцамі спаборніцтва. ГрДУ імя Янкі Купалы прадставілі рэктар універсітэта Ірына Кітурка і прарэктар па навуковай рабоце Юрый Раманоўскі.

Варта адзначыць, што Гродзенскі дзяржаўны ўніверсітэт імя Янкі Купалы занесены на Рэспубліканскую Дошку Гонару ўпершыню. Купалаўскі ўніверсітэт стаў пераможцам сярод навуковых арганізацый. Сярод узнагароджаных у гэтай намінацыі таксама Навукова-практычны цэнтр Нацыянальнай акадэміі навук Беларусі па харчаванні, Беларускі дзяржаўны медыцынскі ўніверсітэт і Рэспубліканскі навукова-практычны цэнтр неўралогіі і нейрахірургіі.

Занясенне на Рэспубліканскую Дошку Гонару накіравана на заахвочванне лепшых рэгіёнаў і арганізацый рэспублікі і пацвярджае грамадскае прызнанне працы грамадзян і калектываў прадпрыемстваў, якія ўнеслі важкі ўклад у сацыяльна-эканамічнае развіццё і павышэнне дабрабыту краіны.

У прыватнасці, лепшымі сярод абласцей і Мінска прызнаныя Мінск, Гродзенская і Мінская вобласці, сярод раёнаў - Магілёўскі раён Магілёўскай вобласці, Астравецкі раён Гродзенскай вобласці, Мінскі раён Мінскай вобласці, Мазырскі раён Гомельскай вобласці і Брэсцкі раён Брэсцкай вобласці. Сярод гарадоў і раёнаў у гарадах лепшымі сталі Савецкі і Першамайскі раёны Мінска, Ленінскі раён Брэста.

Варта адзначыць, што ў бягучым годзе ў адпаведнасці з указам №47 ад 12 лютага 2019 года выбар пераможцаў праводзіўся згодна з абноўленымі правіламі спаборніцтваў. Па-першае, змянілася колькасць намінацый. Два кірункі - сфера сацыяльна-эканамічнага развіцця і эканомія рэсурсаў - аб'яднаны ў адно. На Рэспубліканскую Дошку Гонару ўпершыню занесены дзве лепшыя арганізацыі сацыяльнага абслугоўвання.