Студэнты і супрацоўнікі ГрДУ імя Янкі Купалы прымуць актыўны ўдзел у навуковых, грамадзянска-патрыятычных мерапрыемствах і акцыях. Будуць арганізаваны тэматычныя выставы ў навуковай бібліятэцы, Музеі гісторыі развіцця ўніверсітэта, адбудзецца конкурс «Мы памятаем іх імёны» і пройдуць інфармацыйныя гадзіны «Дарогамі вайны падчас міру на Зямлі». Запланаваны здымкі відэафільма «Універсітэт у жыцці Гродзенскай вобласці», стварэнне на інтэрнэт-сайтах віртуальнага летапісу ўспамінаў ветэранаў Вялікай Айчыннай вайны «Пакаленне Пераможцаў». Таксама будуць арганізаваныя эстафеты памяці «З лампадаю Вечнага агню», «Зорны паход» па месцах баявой славы. Супрацоўнікі і студэнты прымуць удзел у мерапрыемствах па добраўпарадкаванні мемарыяльных комплексаў і помнікаў воінскай славы, месцаў пахаванняў воінаў і партызан, якія загінулі ў гады Вялікай Айчыннай вайны.

Адным з самых маштабных мерапрыемстваў у ГрДУ імя Янкі Купалы стане Рэспубліканскі грамадзянска-патрыятычны марафон «Разам - за моцную і квітнеючую Беларусь», які напярэдадні Дня Перамогі аб'яднае ў Гродне студэнтаў беларускіх універсітэтаў, навучэнцаў каледжаў і школьнікаў.

У рамках святкавання 75-годдзя вызвалення Рэспублікі Беларусь ад нямецка-фашысцкіх захопнікаў і Перамогі Савецкага народа ў Вялікай Айчыннай вайне прадстаўнікі купалаўскага ўніверсітэта традыцыйна прымуць удзел у мерапрыемствах рэспубліканскіх патрыятычных акцый «Дзякуй салдатам Перамогі за тое, што не ведаем вайны», «Ваша Перамога - наша свабода», «Добрае сэрца ветэранам!», «Мы гэтай памяці верныя», у рэспубліканскіх акцыях «Праспяваем Гімн Рэспублікі Беларусь разам» і «Праспяваем Дзень Перамогі разам», абласным балі пакаленняў «Гісторыі злучальная нітка ...», у рэспубліканскіх, абласных і гарадскіх спартыўных і турыстычна-краязнаўчых мерапрыемствах, прымеркаваных да Дня Перамогі. Студэнты ГрДУ імя Янкі Купалы наведаюць Брэсцкую крэпасць, «Лінію Сталіна», мемарыяльны комплекс «Хатынь», прымуць удзел у акцыі «Купалаўцы памятаюць ...», ваенна-патрыятычным злёце «Баграціён».

Акрамя таго, супрацоўнікі і студэнты прымуць удзел у такіх абласных навукова-практычных канферэнцыях, як «Ваенна-стратэгічная аперацыя «Баграціён», «Пераможны май 1945 г. - Берлінская наступальная аперацыя». Таксама будуць арганізаваныя архіўна-даследчыя работы па ўсталяванні імёнаў, лёсаў і месцаў пахаванняў воінаў, якія загінулі ў гады Вялікай Айчыннай вайны, і ўшанавання памяці пра іх.