За перамогу ў конкурсе «Гаспадар і Гаспадыня» змагаліся студэнты факультэтаў ГрДУ імя Янкі Купалы, каманды школьнікаў Ленінскага і Кастрычніцкага раёнаў г. Гродна, а таксама Тэхналагічнага каледжа.

Конкурс складаўся з двух частак: кулінарны конкурс «Гарачы хлебушак», падчас якога ўдзельнікі выраблялі цеста і выпякалі хлеб, і конкурс па вырабе дэкаратыўных вырабаў з дрэва.

Журы ацэньвала канкурсантаў па розных крытэрах. У конкурсе па вырабе шпакоўняў - дызайн і знешні выгляд, функцыянальнасць, якасць выканання і афармленне. У конкурсе «Гарачы хлебушак» - арыгінальнасць і вытанчанасць афармлення, смакавыя якасці, адпаведнасць колеру і паху, стан мякішу вырабу з дражджавога цеста, выкананне патрабаванняў пры падачы.

Па выніках конкурсу па вырабе дэкаратыўных вырабаў з дрэва перамогу атрымалі студэнты факультэта інавацыйных тэхналогій машынабудавання. Другое месца занялі прадстаўнікі факультэта матэматыкі і інфарматыкі, трэцяе - факультэт мастацтваў і дызайну. Пераможцам кулінарнага конкурсу «Гарачы хлебушак» сталі прадстаўнікі каманды навучэнцаў школ Кастрычніцкага раёна. Другое месца ў факультэта мастацтваў і дызайну, на трэцім - факультэт інавацыйных тэхналогій машынабудавання.