Чым запомніўся слухачам курсаў павышэння кваліфікацыі прафесарска-выкладчыцкага складу чарговы дзень заняткаў? Для гэтага дастаткова звярнуцца да рэфлексіі, якой яны падзяліліся, прайшоўшы першы з пяці запланаваных этапаў навучання: «атрымала новыя інструменты, якія з задавальненнем выкарыстоўваю ў сваёй прафесійнай дзейнасці», «адкрыла для сябе цікавыя сэрвісы-памочнікі ў інтэрнэце», «сумесна з навучэнцамі распрацую квэст-гульню і прымяню яе на практыцы». Ключ да разумення цікавасці слухачоў да таго, што адбываецца на занятках адшукаць нескладана. Курсы адрозніваюцца дзейнасным фарматам правядзення і, што асабліва каштоўна, апусканнем у асяроддзе супрацоўніцтва, якое аб'ядноўвае ўсіх яе ўдзельнікаў, інтэгруе іх вопыт, веды, навучальныя задачы і творчыя рашэнні.

Тэхналогіямі, якія спрыяюць стварэнню займальнай, гнуткай і прадуктыўнай адукацыйнай прасторы падзялілася са слухачамі курсаў мадэратар, кандыдат фізіка-матэматычных навук, дацэнт кафедры агульнай фізікі Наталля Валько. Слухачы даведваліся аб механіцы адукацыйных гульняў, стварылі з дапамогай графічных інтэрнэт-рэсурсаў бэйджы і аватары. У спісе новых тэхналогій, прадэманстраваных слухачам курсаў, апынулася экзатычная па гучанні «Печа-куча». Гэта нетрадыцыйная форма правядзення сустрэч з прадстаўленнем паведамленняў і прэзентацый, якія абмежаваныя па форме і працягласці (20 слайдаў па 20 секунд кожны).

Адразу некалькі выкладчыкаў падзяліліся з калегамі сваімі думкамі, ідэямі і гатовымі гульнявымі рашэннямі падчас адукацыйнай «Печа-кучы». «Не магу прадставіць свае заняткі без выкарыстання гульнявых метадаў. Навучанне ў гульні Адразу некалькі выкладчыкаў падзяліліся з калегамі сваімі думкамі, ідэямі і гатовымі гульнявымі рашэннямі падчас адукацыйнай «Печа-кучы». «Не магу прадставіць свае заняткі без выкарыстання гульнявых метадаў. Навучанне ў гульні прадугледжвае актыўнае міжасобаснае ўзаемадзеянне, уменне адсочваць логіку падзей, пераадоленне ўзроўняў, выкананне пакрокавых заданняў і абавязкова - эмацыйнае напружанне, - адзначыла старшы выкладчык кафедры ўзроставай і педагагічнай псіхалогіі Юлія Гуламова. - Але, выкарыстоўваючы гульнефікацыю, важна не гнацца за вонкавымі стымуламі, а развіваць у студэнтаў нешта большае - іх унутраную матывацыю». А яшчэ слухачы курсаў даведаліся, як з дапамогай інтэрнэт-рэсурсу Socrative і мабільных прылад правесці інтэрактыўнае апытанне або экспрэс-тэст у ходзе вучэбнага занятку. 

Курсы павышэння кваліфікацыі «Універсітэт адукацыйных інавацый: тэорыя, методыка і практыка сучаснай адукацыі» працягнуць сваю працу 11 сакавіка. Увазе слухачоў будзе прапанаваная тэма «Відэа як інструмент навучання для выкладчыкаў і студэнтаў: відэалекцыя і садзейнічанне ўзаемадзеянню ў класе".