"Вялікая размова з Прэзідэнтам" праходзіць у выставачным цэнтры "Белэкспа". Яго ўдзельнікамі сталі больш за 200 чалавек. У іх ліку не толькі журналісты, але і палітолагі, эканамісты, работнікі рэальнага сектара эканомікі, прадстаўнікі грамадскіх аб'яднанняў і канфесій. У зале таксама прысутнічаюць кіраўнікі дзяржаўных органаў і члены ўрада.

Як адзначыла напярэдадні мерапрыемства прэс-сакратар Прэзідэнта Наталля Эйсмант, "Вялікая размова з Прэзідэнтам" вельмі важная не толькі таму, што гэта выдатная магчымасць падвесці вынікі 2018 года і абмеркаваць самыя яркія, рэзанансныя падзеі з беларускімі і замежнымі журналістамі і экспертамі.

- Яшчэ адзін немалаважны аспект у тым, што, як вы ведаеце, у сярэдзіне вясны Прэзідэнт традыцыйна звяртаецца з Пасланнем да народа і парламента. У разрэзе падрыхтоўкі да гэтага мерапрыемства (а гэта заўсёды праграмны, вельмі важны дакумент для ўсёй краіны) мы таксама ўспрымаем "Вялікую размову", - сказала яна. - Гэта для Прэзідэнта свайго роду лакмусавая паперка - магчымасць атрымаць зваротную сувязь, у першую чаргу ад людзей, так як у інтэрнэце зараз праходзяць шматлікія апытанні на тэму, што хвалюе сёння наша грамадства.

Па матэрыялах БелТА