Урачыстую частку фестывалю адкрыў дэкан фізіка-тэхнічнага факультэта Андрэй Герман. З прывітальным словам да ўдзельнікаў звярнуўся прарэктар па вучэбнай працы купалаўскага ўніверсітэта Генадзій Гачко.
Пра перспектывы развіцця робататэхнікі паведаміў загадчык лабараторыі робататэхнічных сістэм Аб'яднанага інстытута праблем інфарматыкі НАН РБ Рыгор Пракаповіч. Пра тое, як стаць рэзідэнтам Парку высокіх тэхналогій, і якія рэзідэнты ў цяперашні час у ім знаходзяцца, распавёў кіраўнік Гродзенскага філіяла Парку высокіх тэхналогій Юрый Вайтукевіч. Тэхнапарк купалаўскага ўніверсітэта як пляцоўку для стварэння і развіцця лічбавага бізнесу прадставіў дырэктар РУП ВНВЦ "Технолаб" у статусе навукова-тэхналагічнага парку, дацэнт кафедры электратэхнікі і электронікі Аляксандр Васілевіч.
Завяршылася ўрачыстая частка дакладам выпускніцы фізіка-тэхнічнага факультэта ГрДУ імя Янкі Купалы, выкладчыка Школы лічбавых тэхналогій "Фарсайт" Галіны Галаўко, якая раскрыла магчымасці апераджальнай адукацыі пры выбары прафесій будучыні.
У рамках фестывалю прайшлі майстар-класы "IT - наша будучыня! Абяры сваю IT-прафесію" для школьнікаў сярэдніх і старэйшых класаў, якія праводзілі спецыялісты адукацыйнага цэнтра Парку высокіх тэхналогій. Кожныя 30 хвілін рабяты маглі паспрабаваць сябе ў розных IT-прафесіях, такіх як "Робататэхніка", "Тэстыравальнік праграмнага забеспячэння", "Распрацоўшчык праграмнага забеспячэння", "Game dev спецыяліст", а таксама "Вэб-дызайнер".
Вялікую цікавасць выклікалі майстар-класы для дзяцей усіх узростаў ад яшчэ аднаго партнёра фізіка-тэхнічнага факультэта - асацыяцыі «Робататэхніка і штучны інтэлект» і заснаванай ёй школы лічбавых тэхналогій «Фарсайт». Малодшыя школьнікі змаглі прыняць удзел у майстар-класах па праграмаванні ў асяроддзі RobboScratch, канструяванню мадэляў з выкарыстаннем механічных перадач і робата на дыстанцыйным кіраванні, праграмаванні ў асяроддзі RobboJunior, праграмаванні і кіраванні робаплатформай, зборцы мадэляў з канструктара "Займальныя кубікі", праграмаванні аўтаномнага робата ў асяроддзі Scratch for Arduino, стварэння праекта разумнага дома з дапамогай лічбавай лабараторыі, зборцы электрычных схем і прылад, маляванню 3D ручкай.
Хлопцы сярэдняга і старэйшага школьнага ўзросту прынялі ўдзел у майстар-класах па праектаванні і праграмаванні прамысловых робатаў-маніпулятараў і рухомых робатызаваных платформаў, праектаванню прыкладанняў «Інтэрнэт рэчаў» і працы з платформай «Інтэрнэт рэчаў», праграмаванні робатаў-маніпулятараў, аўтаматызаваным праектаванні, 3D- мадэляванні і 3D-друку, а таксама па праграмаванні і кіраванні беспілотным транспартным сродкам.
Лабараторыя робататэхнічных сістэм Аб'яднанага інстытута праблем інфарматыкі НАН РБ пазнаёміла гасцей з мадэлямі робатаў для протатыпіравання і сэрвісных функцый. Сярод цікавых экспанатаў - робат-шар з унікальным прывадам і робат-хамелеон, які прымае колер навакольных прадметаў.
На майстар-класе па працы з мікракантролерамі Arduino, які правялі прадстаўнікі кампаніі EasyCraft, рабяты пазнаёміліся з тэхналогіямі праграмавання мікракантролераў і магчымасцямі стварэння аўтаматызаваных сістэм.
З рэсурсамі навукова-тэхналагічнага парку ГрДУ, сучаснымі 3D сканарамі, друкаркамі і тэхналагічным абсталяваннем гасцей пазнаёміў дырэктар тэхнапарку Аляксандр Васілевіч. Асаблівую цікавасць выклікаў надрукаваная на 3D-друкарцы ракета, запуск якой адбудзецца ў бліжэйшы час з пляцоўкі тэхнапарку.
Інжынерна-будаўнічы факультэт правёў майстар-клас «BIMбудBOOM», на якім былі прадстаўлены тэхналогіі інфармацыйнага мадэлявання ў будаўніцтве. Таксама працавала кансультацыйная пляцоўка, на якой вядучыя выкладчыкі фізіка-тэхнічнага факультэта распавялі пра магчымасці атрымання вышэйшай адукацыі ў галіне лічбавых тэхналогій па спецыяльнасцях "Камп'ютарная фізіка» і «Інфармацыйна-вымяральная тэхніка».
У рамках фестывалю адбыўся абласны этап конкурсу навукова-тэхнічнай творчасці навучэнскай моладзі «Тэхнаінтэлект», які праводзіцца сумесна з ДУА «Гродзенскі абласны цэнтр тэхнічнай творчасці», сабраў 98 прадстаўнікоў таленавітых школьнікаў з усёй Гродзенскай вобласці з уласнымі праектамі і распрацоўкамі. У рамках конкурсу працавалі 10 секцый: «Тэхнічнае канструяванне», «Энергетыка і электратэхніка», «Экалогія і рацыянальнае прыродакарыстанне», «Сучасныя і перспектыўныя матэрыялы», «Энергазберагальныя тэхналогіі», «Робататэхніка, аўтаматыка і інтэлектуальныя сістэмы», «Радыёэлектроніка», «Інфармацыйныя сістэмы і тэхналогіі», «Мультымедыйныя тэхналогіі», а таксама «Авіяцыя, касманаўтыка і аэракасмічная тэхніка». Конкурсныя работы ацэньвала аўтарытэтнае журы з ліку вядучых выкладчыкаў фізіка-тэхнічнага факультэта. Пераможцы, якія занялі першыя месцы, прымуць удзел у рэспубліканскім туры конкурсу ў г. Мінск.
Арганізатарамі і партнёрамі мерапрыемства выступілі фізіка-тэхнічны і інжынерна-будаўнічы факультэты ГрДУ імя Янкі Купалы, РУП «Вучэбна-навукова-вытворчы цэнтр «Технолаб» (у статусе навукова-тэхналагічнага парку), аб'яднаны інстытут праблем інфарматыкі НАН РБ, асацыяцыя «Робататэхніка і штучны інтэлект», школа лічбавых тэхналогій «Фарсайт», адукацыйны цэнтр Парку высокіх тэхналогій, кампанія EasyCraft, ДУА «Гродзенскі абласны цэнтр тэхнічнай творчасці».
