Ідэі для рэспубліканскай скарбонкі праектаў прадставіла моладзь з усіх рэгіёнаў Гродна. Купалаўцы падзяліліся з журы ідэяй стварэння электроннага даведніка па гістарычных аб'ектах горада Гродна «GrodnoBot», праектам па другаснай перапрацоўцы пластыка, распрацоўкай моладзевага сайта пра беларускую культуру «KUBEL» і Web-дадаткам, які дазваляе працаваць з рознымі музычнымі творамі, а таксама генерыраваць музыку з карцін мастакоў і вырабляць аналіз якасці малюнкаў.

Па выніках абласнога этапу конкурсу спецыяльным прызам ГА «Белая Русь» адзначаны Алег Фёдараў, а спецыяльным прызам Федэрацыі прафсаюзаў Беларусі - Раманоўская Дар'я.

Нагадаем, што адбор для ўдзелу ў абласным этапе конкурсу праходзіў па 10 намінацыях у двзюх узроставых групах. Экспертная рада, у склад якой ўвайшлі прадстаўнікі грамадскіх арганізацый і аб'яднанняў, кіраўнікі і выкладчыкі ўстаноў адукацыі Гродна, а таксама прадстаўнікі камерцыйных арганізацый, ацэньвалі актуальнасць, навізну і практычную значнасць праекта.

Для ўдзелу ў фінале журы ўжо выбрала чатыры праекты. Імёны астатніх пераможцаў стануць вядомыя пазней.

Пераможцы былі ўзнагароджаны каштоўнымі прызамі ад Гродзенскага абласнога камітэта ГА «БРСМ», аўтары найбольш перспектыўных ідэй атрымалі дадатковыя прызы ад партнёраў конкурсу ГА «Белая Русь», асацыяцыі робататэхнікі «Штучны інтэлект», школы замежных моў «Streamline» і Гродзенскай абласной федэрацыі прафсаюзаў.