У праграме фестывалю - займальныя выступленні прадстаўнікоў лічбавай індустрыі і навукі, прэзентацыя навукова-тэхналагічнага парку купалаўскага ўніверсітэта, майстар-класы і дэманстрацыі па сучасных напрамках развіцця лічбавых тэхналогій і прафесій новага тэхналагічнага ўкладу.
Праграма фестывалю прадумана з улікам узросту яе ўдзельнікаў. Так, для студэнтаў, навучэнцаў каледжаў і старэйшых класаў пройдуць майстар-класы па праграмаванні мікракантролераў, робататэхніцы, 3D-мадэляванні і друку, па праектаванні прыкладанняў і працы з платформай «Інтэрнэт рэчаў». Хлопчыкі і дзяўчынкі змогуць прыняць удзел у майстар-класах па праграмаванні і кіраванні беспілотнымі транспартнымі сродкамі, канструяванню робатаў, праграмаванні шматфункцыянальных робатаў-маніпулятараў для аўтаматызаванага выканання маніпуляцый з прадметамі, ажыццяўлення розных чарцяжоў, схем і малюнкаў.
Для дзяцей малодшага і сярэдняга школьнага ўзросту адбудуцца майстар-класы па праграмаванні і канструяванню мадэляў з выкарыстаннем механічных перадач і робата на дыстанцыйным кіраванні. Рабятам раскажуць, як стварыць праект разумнага дома з дапамогай лічбавай лабараторыі, пакажуць, як збіраць электрычныя схемы і прылады з дапамогай электроннага канструктара. Акрамя гэтага ўсе жадаючыя змогуць прыняць удзел у майстар-класе па маляванні 3D-ручкай.
Падчас фестывалю пройдуць дэманстрацыі цікавых распрацовак у галіне робататэхнікі, удзельнікі змогуць атрымаць кансультацыі па пытаннях атрымання адукацыі ў галіне лічбавых тэхналогій. Таксама адбудзецца прэзентацыя новай спецыяльнасці "Камп'ютарная фізіка", набор на якую ўпершыню будзе абвешчаны ў ГрДУ імя Янкі Купалы ў 2019 годзе. Акрамя гэтага партнёры ўніверсітэта правядуць прафарыентацыйны майстар-клас "Паспрабуй сябе ў IT-прафесіях".
Фестываль арганізаваны фізіка-тэхнічным факультэтам купалаўскага ўніверсітэта сумесна з РУП "Вучэбна-навукова-вытворчы цэнтр "Технолаб" у статусе навукова-тэхналагічнага парка; Асацыяцыяй "Робататэхніка і штучны інтэлект"; школай лічбавых тэхналогій «Форсайт»; лабараторыяй робататэхнічных сістэм Аб'яднанага інстытута праблем інфарматыкі НАН РБ; кампаніяй EasyCraft; ДУА «Гродзенскі абласны цэнтр тэхнічнай творчасці», Адукацыйным цэнтрам Парку высокіх тэхналогій.
Удзел у мерапрыемствах фестывалю бясплатны.
Электронная рэгістрацыя ўдзельнікаў даступная па спасылцы на галоўнай старонцы сайта.
Пачатак мерапрыемства: 16 лютага 2019 года ў 10:30 у актавай зале ГрДУ па адрасе: г. Гродна, вул. Леніна, 32.
Кансультацыі па пытаннях удзелу ў мерапрыемствах фестывалю: дэкан фізіка-тэхнічнага факультэта Герман Андрэй Яўгеньевіч; тэл. моб:+375297804739, e-mail: german@grsu.by.
Дадатковая інфармацыю пра фестываль - па спасылцы.