–Акцыя «Прыкладзі руку» аб'ядноўвае ўсіх неабыякавых і гатовых рабіць дабро людзей. Яе сімвал - каляровыя далонькі, на якіх напісаныя імёны ўсіх удзельнікаў. Гэтыя далонькі стануць часткай вялікай гірлянды дабрачынных спраў, - распавяла старшыня БСЖ ГрДУ імя Янкі Купалы, дэкан факультэта эканомікі і кіравання Марына Карпіцкая.

Таксама на факультэце эканомікі і кіравання правялі дабрачынны кірмаш, дзе была прадстаўлена розная выпечка: хвораст, печыва, пірагі, кексы, маффіны, самса і вырабы. Усё гэта было зроблена рукамі выкладчыкаў і студэнтаў факультэта.

Арганізатарамі кірмашу выступілі валанцёрскія атрады факультэта эканомікі і кіравання пад кіраўніцтвам Аляксандра Кулікова і Ларысы Скварцовай. Найбольш актыўны ўдзел у падрыхтоўцы кірмашу прынялі студэнткі 3 і 4 курса спецыяльнасці «Фінансы і крэдыт» Паліна Брынгель, Маргарыта Жытко, Маргарыта Амброжка, Марына Дуброўка, Дыяна Капцэвіч, Марыя Гапон, Марыя Асіповіч, а таксама замежныя студэнткі Маліка Курбанкуліева і Гулзірэ Бабаханава. Не засталіся ў баку і выкладчыкі факультэта.

Асаблівую цікавасць кірмаш выклікала ў студэнтаў 1 курса і замежных студэнтаў, якія сёлета ўліліся ў купалаўскую сям'ю.

–Запрашаем усіх падзяліцца цяплом сваёй душы з тымі, хто мае патрэбу ў дапамозе і падтрымцы. Дарыце ўсім святочны настрой, радасць і сваю любоў! - адзначыла Марына Яўгенаўна.

На атрыманыя сродкі былі набыты тавары, неабходныя для дзяцей з асаблівасцямі псіха-фізічнага развіцця, якія ўжо ўручаны студэнтамі-валанцёрамі факультэта эканомікі і кіравання навучэнцам дапаможнай школа №1 г. Гродна.

Дзеткі чакалі сустрэчы са студэнтамі з нецярпеннем. На мерапрыемстве панавала атмасфера ўтульнасці, дабрыні і свята. Валанцёры гулялі з дзецьмі, майстравалі навагоднія паштоўкі.