З прывітальным словам да ўдзельнікаў урачыстага адкрыцця Дзён нямецкай мовы і культуры звярнуўся першы прарэктар ГрДУ імя Янкі Купалы Алег Раманаў. Сказаныя на дарогу словы ў адрас прысутных прагучалі ад дэкана філалагічнага факультэта Іны Лісоўскай і загадчыка кафедры рамана-германскай філалогіі Надзеі Уласюк.

У рамках мерапрыемства былі праведзены конкурсы, якія спрыяюць паглыбленню ведаў па нямецкай мове і развіццю творчых здольнасцяў студэнтаў. Так, прайшлі краіназнаўчы мультымедыйны конкурс пра Германію, лінгвістычны конкурс, конкурс відэаролікаў «Гродна для турыстаў», конкурс «Наша Еўрабачанне» («University Song Contest»).

Удзельнікамі конкурсу відэаролікаў на нямецкай мове «Гродна для турыстаў» сталі студэнты філалагічнага і юрыдычнага факультэтаў. Заснавальнікамі і арганізатарамі конкурсу выступілі філалагічны факультэт, кафедра рамана-германскай філалогіі і прафсаюзны камітэт студэнтаў, прызы якога былі ўручаны пераможцам конкурсаў.

Усяго на конкурс было прадстаўлена 16 ролікаў, у якіх студэнты паказалі, якой бачаць сваю будучую прафесію, прадэманстраваўшы высокі ўзровень нямецкай мовы. На суд журы былі прадстаўлены абсалютна розныя ролікі - як сур'ёзныя, так і гумарыстычныя, а таксама відэафільмы-пародыі. Журы ацэньвала адпаведнасць прадстаўленых работ тэме і ўмовам конкурсу, агульны мастацкі і эстэтычны ўзровень, тэхніку і якасць выканання, а таксама пісьменнае выкарыстанне нямецкай мовы.

Актыўны ўдзел у падрыхтоўцы і правядзенні мерапрыемстваў прынялі ўсе выкладчыкі кафедры рамана-германскай філалогіі.