Удзельнікамі мерапрыемства сталі дэканы, студэнты і выкладчыкі ўсіх факультэтаў ГрДУ імя Янкі Купалы, а таксама прадстаўнікі Гуманітарнага каледжа ГрДУ імя Янкі Купалы і аддзела адукацыі, спорту і турызму адміністрацыі Ленінскага раёна горада Гродна.

Ад асобы рэктара Ірыны Кітурка з прывітальным словам выступіў прарэктар па выхаваўчай працы Васілій Сянько. Ён пажадаў удзельнікам марафону поспеху на працягу ўсяго марафону. Васілій Васільевіч адзначыў, што правядзенне грамадзянска-патрыятычнага марафона «Разам - за моцную і квітнеючую Беларусь» стала традыцыяй у ГрДУ імя Янкі Купалы.

Дэкан педагагічнага факультэта Святлана Кострыца, выступаючы перад удзельнікамі марафону, адзначыла, што для іх марафон стаў прыступкай да дасканаласці, спазнання і пераадолення сябе і дадала: - Я хачу пажадаць усім навучэнцам перамог. У добры шлях, марафон!

Напрыканцы мерапрыемства марафонцы разам прамовілі ўрачыстую клятву.

У тэму:

Упершыню грамадзянска-патрыятычны марафон «Разам - за моцную і квітнеючую Беларусь» правялі ў 2015 годзе - у год 70-годдзя Перамогі ў Вялікай Айчыннай вайне і Год моладзі. У 2016 годзе праект не толькі набыў статус гарадскога мерапрыемства, але і пашырыў свае межы. Разам з камандамі 14 факультэтаў ГрДУ імя Янкі Купалы, навучэнцамі Гуманітарнага і Тэхналагічнага каледжаў удзел у мерапрыемстве прынялі каманды школ Кастрычніцкага і Ленінскага аддзелаў адукацыі г. Гродна. У 2017 годзе марафон прымеркавалі да Года навукі і дадалі ў яго новыя конкурсы і спаборніцтвы. Перамогу ў першым марафоне святкавала каманда факультэта гісторыі, камунікацыі і турызму, у другім - педагагічнага факультэта, а ў трэцім мацнейшымі сталі школьнікі Ленінскага раёна г. Гродна.

У 2018 годзе марафон набыў статус рэспубліканскага. Упершыню яго ўдзельнікамі сталі 14 каманд з усіх рэгіёнаў Беларусі. За перамогу змагаліся прадстаўнікі Беларускага дзяржаўнага ўніверсітэта, Беларускага дзяржаўнага ўніверсітэта інфарматыкі і радыёэлектронікі, Беларускага нацыянальнага тэхнічнага ўніверсітэта, Баранавіцкага дзяржаўнага ўніверсітэта, Беларускага дзяржаўнага ўніверсітэта транспарту, Віцебскага дзяржаўнага тэхналагічнага ўніверсітэта, Гомельскага дзяржаўнага ўніверсітэта ім. Ф. Скарыны, Магілёўскага дзяржаўнага ўніверсітэта харчавання, Гродзенскага дзяржаўнага ўніверсітэта імя Янкі Купалы, Гродзенскага дзяржаўнага медыцынскага ўніверсітэта, Гродзенскага дзяржаўнага аграрнага ўніверсітэта, а так жа каманды школьнікаў г. Гродна (Ленінскі і Кастрычніцкі раёны) і зводная каманда навучэнцаў ССНУ г. Гродна.

У гэтым годзе цыклы мерапрыемстваў пройдуць ва ўсіх універсітэтах Беларусі, пасля чаго будзе вызначаны пераможца вобласці, а фінал марафону збярэ пераможцаў у ГрДУ імя Янкі Купалы напярэдадні святкавання Дня Перамогі ў Вялікай Айчыннай вайне.