Нагадаем, што ў рамках адборачнага этапа журы ацэньвала праекты па такіх крытэрах, як інавацыйнасць, запатрабаванасць, жыццяздольнасць, перспектыўнасць, наяўнасць абгрунтаванай бізнес-мадэлі. Фіналістам адборачнага тура было прапанавана распрацаваць прэзентацыі бізнес-планаў з дапамогай экспертаў, пасля чаго адбудзецца публічная прэзентацыя праектаў.

Пераможцы конкурсу атрымаюць прызы, сертыфікат на бясплатнае бізнес-інкубіраванне ў навукова-тэхналагічным парку, магчымасць карыстацца інфраструктурай і паслугамі навукова-тэхналагічнага парку на працягу цэлага года бясплатна.

Па словах арганізатараў, мэтай правядзення конкурсу з'яўляецца экспертная падтрымка і садзейнічанне ў развіцці інавацыйных бізнес-ідэй на ранняй стадыі, стымуляванне студэнтаў і магістрантаў універсітэта і навучэнцаў каледжаў ствараць інавацыі і прапаноўваць арыгінальныя прадукты - тэхналогіі, тавары і паслугі.