Аб свеце вялікай палітыкі ішла размова з выкладчыкамі, студэнтамі і прадстаўнікамі СМІ падчас адкрытага дыялогу з Андранікам Мігранянам, які ўздымаў глабальныя пытанні, якія хвалююць сусветную супольнасць на працягу многіх гадоў. Асобна госць падкрэсліў: у апошні час сустрэчы кіраўнікоў дзяржаў у Мінску дазваляюць казаць пра тое, што Рэспубліка Беларусь знаходзіцца ў цэнтры сусветнай палітыкі, і гэта, несумненна, спрыяе павышэнню іміджу краіны на міжнароднай арэне.

Студэнты і выкладчыкі актыўна задавалі пытанні Андраніку Міграняну аб далейшым развіцці міжнародных адносін, пра рызыкі эсклацыі канфліктаў, пра досвед працы госця ў Камітэце па справах СНД, аб стратэгіі паводзін дзяржаў-суседзяў ва ўмовах глабалізацыі. Андранік Маўсесавіч, у сваю чаргу, даваў разгорнутыя і аргументаваныя адказы, падымаючы новыя тэмы для абмеркавання.

Андранік Мігранян наведаў Гродна ўпершыню. І, як кажа сам госць, горад яму спадабаўся, што дае надзею на новы візіт ў Беларусь і Гродзенскую вобласць.

Дзякуючы цеснаму супрацоўніцтву ўніверсітэта з Беларускім саюзам журналістаў і Міжнародным медыя-клубам «Фармат - А3» такія сустрэчы сталі традыцыйнымі. Хлопчыкі і дзяўчынкі атрымліваюць унікальную магчымасць пазнаёміцца з вядучымі замежнымі спецыялістамі ў галіне медыя і задаць ім актуальныя пытанні.