Гродзенскі дзяржаўны ўніверсітэт імя Янкі Купалы на сустрэчы прадставілі прарэктар па вучэбнай працы Юрый Бялых, дэкан філалагічнага факультэта Іна Лісоўская, дэкан факультэта гісторыі, камунікацыі і турызму Тамара Піваварчык, загадчык кафедры перакладу і міжкультурнай камунікацыі Святлана Адамовіч, загадчык кафедры рамана-германскай філалогіі Надзея Уласюк, начальнік Цэнтра інтэрнацыяналізацыі адукацыі Алена Белакоз, начальнік аддзела міжнароднага супрацоўніцтва Вольга Мінава і начальнік аддзела па працы з замежнымі студэнтамі і акадэмічнай мабільнасці Ганна Бідная.

Юрый Эдуардавіч, вітаючы ўдзельнікаў мерапрыемства, прапанаваў абмеркаваць плённыя вынікі шматгадовага супрацоўніцтва. Ён адзначыў, што магчымасці DAAD у ГрДУ імя Янкі Купалы і на Гродзеншчыне ў цэлым рэалізуюцца ў розных напрамках, не толькі з пункту гледжання падтрымкі мабільнасці выкладчыкаў і студэнтаў, але і ўплываюць на сістэму адукацыі Беларусі. Дзякуючы правядзенню разнастайных семінараў у дастатковай ступені раскрыты вопыт Германіі па рэалізацыі Балонскага працэсу, што цікава і для Беларусі. Па словах прарэктара, самае галоўнае ў паспяховым супрацоўніцтве - зацікаўленасць у яго развіцці двух бакоў.

Варта адзначыць, што шматгадовыя адносіны ГрДУ імя Янкі Купалы з DAAD маюць пэўныя дасягненні, пра якія распавялі прадстаўнікі факультэтаў. Былі прэзентаваны рэалізаваныя сумесныя праекты, сярод якіх - летняя школа «Невядомая Беларусь», «Дні нямецкай мовы і культуры». У рамках знаёмства з кафедрай рамана-германскай філалогіі ўдзельнікі сустрэчы абмеркавалі рэалізацыю сумесных праектаў і прадставілі вынікі праведзенай працы. Прадстаўнікі кафедры распавялі аб разнастайных курсах, міжнародных праектах, мабільнасці студэнтаў і выкладчыкаў. Не засталося ў баку пытанне творчых мерапрыемстваў і конкурсаў, накіраваных на знаёмства з нямецкай культурай і навучанне мовы, якія, па словах выкладчыкаў, карыстаюцца папулярнасцю сярод студэнтаў і магістрантаў. Таксама адным з мерапрыемстваў сустрэчы стаў семінар па літаратуры для студэнтаў факультэта гісторыі, камунікацыі і турызму і філалагічнага факультэта, які правяла асістэнт нямецкай мовы пры Беларускім нацыянальным тэхнічным універсітэце Марына Папоў.

На думку бакоў, сустрэча стане новым этапам у развіцці міжнародных адносін і надасць супрацоўніцтву новы плённы імпульс.