Вучоныя абмяркуюць тэарэтычныя і метадалагічныя праблемы вывучэння сусветнай мастацкай культуры, пытанні метадалогіі і методыкі музычнай адукацыі, музыку ў кантэксце сучаснай культуры, выяўленчае мастацтва і праблемы сучаснага культурнага развіцця, а таксама тэарэтычныя і практычныя аспекты фармавання дызайнера. Рабочыя мовы канферэнцыі: беларуская, руская, польская, англійская.

У рамках праграмы канферэнцыі будзе арганізавана выстава жывапісных работ магістра мастацка-педагагічнага факультэта Пазнанскага Універсітэта імя Адама Міцкевіча ў Познані Катажыны Манеўскай (г. Каліш). Майстар-клас для студэнтаў музычных спецыяльнасцяў на тэму «Аб метадзе гульні на школьнай дудачцы ў пачатковых класах» правядзе дацэнт кафедры музычнай педагогікі і візуальных мастацтваў Шаўляйскага ўніверсітэта Гедымінас Раманаускас (г. Шаўляй). Таксама адбудзецца канцэрт «Вакальная і фартэпіянная музыка для дзяцей польскіх кампазітараў XX-XXI стст.» доктара хабілітаванага, адьюнкта мастацка-педагагічнага факультэта Універсітэта імя Адама Міцкевіча ў Познані Дароты Цалек (г. Каліш) і доктара хабілітаванага, адьюнкта музычнай акадэміі ім. Станіслава Манюшкі Ганны Мікальон (г. Гданьск).

З інфармацыйным лістом можна азнаёміцца ​​па спасылцы.

Адрас аргкамітэта канферэнцыі: г. Гродна, ГрДУ імя Янкі Купалы, факультэт мастацтваў і дызайну, вул. Дзяржынскага, 28, аўд. 4 (дэканат).

Тэл.: +375 (152) 74 07 33 (дэканат), +375 (152) 72 26 56 (каф. музычнага мастацтва), +375 (152) 74 43 21 (каф. выяўленчага мастацтва), +375 (152) 77 05 85 (каф. дызайна); е-mail: art@grsu.by.