У рамках рэспубліканскага фестывалю ў ГрДУ імя Янкі Купалы праведзены спаборніцтвы па міні-футболе, стрытболе, тэнісе, паўэрліфцінгу, дартсе і гіравым спорце. У спаборніцтвах прынялі ўдзел 96 студэнтаў і 31 работнік універсітэта.

Таксама ў рамках мерапрыемства адбылася здача нарматываў Дзяржаўнага фізкультурна-аздараўленчага комплексу Рэспублікі Беларусь работнікамі ўніверсітэта. У ёй прыняў удзел 41 работнік універсітэта, у ліку якіх прадстаўнікі факультэта фізічнай культуры, факультэта матэматыкі і інфарматыкі, філалагічнага і інжынерна-будаўнічага факультэтаў, факультэта біялогіі і экалогіі, факультэта псіхалогіі, факультэта мастацтваў і дызайну, юрыдычнага факультэта, бухгалтэрыі, аддзела закупак, УВРзМ , планава-эканамічнага аддзела.