Напярэдадні II Еўрапейскіх гульняў у турніры прынялі ўдзел больш за 150 спартсменаў - лепшых змагароў зборных каманд розных краін. Барацьба за медалі прайшла ў 10 вагавых катэгорыях.
Беларускія барцы грэка-рымскага стылю заваявалі 8 узнагарод міжнароднага турніру памяці алімпійскага чэмпіёна Алега Караваева. На вышэйшую прыступку п'едэстала гонару падняўся студэнт 2 курса факультэта фізічнай культуры Аляксандр Грабовік, які выступае ў вагавай катэгорыі да 97 кг. Бронзавымі прызёрамі турніру сталі студэнт 5 курса факультэта фізічнай культуры Саслан Даураў (да 63 кг) і студэнт 2 курса факультэта фізічнай культуры Арцём Шумскі (130 кг).
Варта адзначыць, што з дзесяці спартсменаў зборнай, якая прадстаўляла Беларусь на дадзеным турніры, пяць - прадстаўнікі ГрДУ імя Янкі Купалы.