Удзельнікі мерапрыемства абмеркавалі асаблівасці і перспектывы сучаснай мытнай службы ў Беларусі. У прыватнасці, студэнтаў цікавіла, што сёння ўяўляе сабой Гродзенская рэгіянальная мытня, якой бачыцца мытня заўтра, каму аддаецца перавага пры прыёме на працу ў мытныя органы, а таксама патрабаванні да знешняга выгляду супрацоўніка мытных органаў.

Адказваючы на пытанні купалаўцаў, Іван Целяшынскі адзначыў, што Гродзенская рэгіянальная мытня - самая вялікая ў сістэме мытняў Рэспублікі Беларусь. Больш за палову ўсіх тавараў, што перамяшчаюцца праз мытную тэрыторыю Рэспублікі Беларусь, афармляюцца менавіта Гродзенскай рэгіянальнай мытняй. Ён таксама адзначыў рост транзітнага патэнцыялу Рэспублікі Беларусь.

Раскрываючы пытанне аб працаўладкаванні, Іван Рышардавіч звярнуў увагу, што пры прыёме на працу перавагу маюць маладыя людзі з кваліфікацыяй «Мытная справа», а таксама выпускнікі ўніверсітэтаў, якія атрымалі юрыдычную, эканамічную, тэхнічную адукацыю і адукацыю ў сферы інфармацыйных тэхналогій. Ёсць зацікаўленасць у спецыялістах больш вузкай накіраванасці ў аддзел бухгалтарскага ўліку і кантролю, кадравай службы, фінансава-эканамічны аддзел.