Арганізатарам сустрэчы, у рамках якой Святлана Шушкевіч прачытала лекцыі прадстаўнікам замежных універсітэтаў, выступіў Дэпартамент міжнароднага супрацоўніцтва Дзяржаўнай школы інфармацыйных тэхналогій і прадпрымальніцтва (PWSIiP).

Удзельнікамі Міжнароднага тыдня супрацоўнікаў Erasmus + сталі прадстаўнікі дзесяці замежных універсітэтаў-партнёраў: Гродзенскі дзяржаўны універсітэт імя Янкі Купалы, Гродзенскі дзяржаўны медыцынскі універсітэт, Гродзенскі дзяржаўны аграрны ўніверсітэт, Лапландскі ўніверсітэт (Фінляндыя), Бішкекскі міжнародны ўніверсітэт Ала-Тоо (Кіргізія), Клайпедскі дзяржаўны каледж ( Літва), Камплуценскі ўніверсітэт Мадрыда (Іспанія), Універсітэт Афьон (Турцыя), Універсітэт Біледжык (Турцыя) і Універсітэт Сакарыі (Турцыя).

Як распавяла Святлана Шушкевіч, у рамках праграмы Міжнароднага тыдня ўдзельнікі прадставілі патэнцыял універсітэтаў, абмяняліся навуковым вопытам і перадавымі метадамі, падзяліліся ведамі аб інтэрнацыяналізацыі, і пазнаёміліся з гісторыяй г. Ломжа.