У спаборніцтвах па тэнісе, якія былі ўпершыню ўключаны ў праграму Рэспубліканскай універсіяды ў 2018 годзе, выступілі каманды 14 універсітэтаў краіны.Гродзенскі дзяржаўны ўніверсітэт імя Янкі Купалы на спаборніцтвах па тэнісе прадставілі студэнтка 3 курса юрыдычнага факультэта Кацярына Гульніцкая і студэнт 5 курса інжынерна-будаўнічага факультэта Дзмітрый Камарэц. Трэнер спартсменаў - інструктар па фізічнай культуры Спартыўнага клуба Марына Ясене.
Таксама ў спаборніцтвах прынялі ўдзел спартсмены БДУ, БДУФК, Беларускага нацыянальнага тэхнічнага ўніверсітэта, Гомельскага дзяржаўнага ўніверсітэта ім. Ф. Скарыны, Гомельскага дзяржаўнага тэхнічнага ўніверсітэта ім. П.В. Сухога, Беларускага дзяржаўнага ўніверсітэта транспарту, Беларускага дзяржаўнага медыцынскага ўніверсітэта, Беларускага дзяржаўнага эканамічнага ўніверсітэта, Беларускага дзяржаўнага педагагічнага ўніверсітэта ім. М. Танка, Акадэміі кіравання пры Прэзідэнце Рэспублікі Беларусь, Універсітэта грамадзянскай абароны МНС Беларусі, Беларускага дзяржаўнага ўніверсітэта інфарматыкі і радыёэлектронікі, Беларускага дзяржаўнага тэхналагічнага ўніверсітэта.
