XIX штогадовая міжнародная канферэнцыя «Камунікацыя і культура» ў Інстытуце Сацыялогіі Уроцлаўскага ўніверсітэта (Рэспубліка Польшча), удзел у якой прынялі студэнты 3 і 4 курсаў спецыяльнасці «Лінгвістычнае забеспячэнне міжкультурных камунікацый», прайшла з 23 па 24 мая.Студэнтка 4 курса факультэта гісторыі, камунікацыі і турызму Ксенія Ваганава выступіла з дакладам і прэзентацыяй на тэму «Крос-культурная адаптацыя кітайскіх студэнтаў у Беларусі». Студэнткі 3 курса факультэта гісторыі, камунікацыі і турызму Маргарыта Рукша і Анастасія Странкоўская прадставілі тэму «Міжкультурная рэпрэзентацыя канцэпта прыгажосць». Старшы выкладчык кафедры перакладу і міжкультурнай камунікацыі Антаніна Нурэтдзінава прапанавала ўвазе аўдыторыі даклад і прэзентацыю на тэму «Загадка рускай душы ў перакладзе твораў Ф.М. Дастаеўскага на англійскую мову».
Акрамя зносін у рамках канферэнцыі студэнты і выкладчыкі атрымалі магчымасць наладзіць акадэмічныя і навуковыя кантакты, паглыбіць веды ў галіне актуальных праблем вывучэння камунікацыі ў сучасным свеце, а таксама павысіць камунікатыўныя і прафесійныя кампетэнцыі.
Удзел у канферэнцыі прынялі прадстаўнікі ЗША, Польшчы, Італіі, Францыі, Перу і іншых краін.
