Трэцяе месца ў міжнародным конкурсе маладых дызайнераў «Рускі сілуэт» у рамках фестывалю заняла студэнтка 5 курса факультэта мастацтваў і дызайну Анастасія Алесіюк. Падлеткавая калекцыя Анастасіі Алесіюк «Fox Red», якая складаецца з пяці мадэляў адзення, увасобіла ідэю пра тое, што лепш насіць малюнак на вопратцы, чым на целе.

Дыпламантамі фэсту сталі студэнткі 4 курса факультэта мастацтваў і дызайну Вольга Войтава і Вераніка Лахавец, якія таксама прадставілі калекцыі мадэляў адзення на фестывалі.

Таксама ў фінал конкурсу выйшлі студэнтка 4 курса факультэта мастацтваў і дызайну Юлія Борыс і студэнтка 2 курса факультэта мастацтваў і дызайну Марына Баранава.

Кіраўнік праектаў - дацэнт кафедры дызайну Вольга Пянькова.

Асноўная задача фестывалю - даць магчымасць маладым брэндам прадэманстраваць свае калекцыі на прафесійнай пляцоўцы і атрымаць ацэнку экспертаў індустрыі моды. Fashion Style выступае ў якасці start-up пляцоўкі для пачаткоўцаў дызайнераў, адкрывае новыя імёны шырокай публіцы і спрыяе іх прасоўванню.