Наведаць ваенны факультэт першакурснікі іншых факультэтаў ГрДУ імя Янкі Купалы змогуць 14 красавіка. У ходзе мерапрыемства ўсе жадаючыя пагутараць з камандаваннем факультэта і начальнікамі кафедраў, пазнаёмяцца з умовамі пражывання і побыту курсантаў, атрымаюць інфармацыю аб вучэбна-матэрыяльнай базе факультэта, убачаць узоры ваеннай формы адзення і абутку, тэхнікі і ўзбраення, якія выкарыстоўваюцца ў навучальным працэсе, а таксама паспрабуюць свае сілы на навучальных спецыяльных трэнажорах.

У тэму: Да навучання на ваенным факультэце па праграмах ваеннай падрыхтоўкі дапускаюцца студэнты, якія навучаюцца на дзённай форме атрымання адукацыі на працягу ўсяго перыяду, неабходнага для ваеннай падрыхтоўкі. Ваенная падрыхтоўка студэнтаў па ваенна-ўліковых спецыяльнасцях праводзіцца па двух узроўнях навучання: першы - па праграмах падрыхтоўкі малодшых камандзіраў, другі - па праграмах падрыхтоўкі афіцэраў запасу. Навучанне студэнтаў на другім узроўні ваеннай падрыхтоўкі ажыццяўляецца толькі пасля праходжання iмi навучання на першым узроўні. Студэнты, якія прайшлі тэрміновую ваенную службу, службу ў рэзерве, прымаюцца на навучанне па другім узроўні ваеннай падрыхтоўкі без праходжання навучання на першым. Ваенная падрыхтоўка на першым узроўні праводзіцца са студэнтамі - грамадзянамі мужчынскага полу, якiя дасягнулi ўзросту 17 гадоў на момант заканчэння залічэння на ваенны факультэт, прыдатнымі па стане здароўя на тэрміновую вайсковую службу, службу ў рэзерве, якiя падлягаюць прызыву на ваенную службу, службу ў рэзерве пасля заканчэння ўстановы адукацыі .

Усіх першакурснікаў ГрДУ імя Янкі Купалы на ваенным факультэце чакаюць у суботу, 14 красавіка, у 10.00, па адрасе: г. Гродна, м-н Фолюш, 15/219.