Першая міжнародная алімпіяда па аналізе дадзеных IDAO (International Data Analysis Olympiad) прайшла 2-4 красавіка ў Маскве. У адборачным завочным этапе алімпіяды прынялі ўдзел 902 каманды - усяго 1533 удзельніка з 55 краін свету. У фінальным этапе, які адбыўся ў Маскве, прыняла ўдзел 41 каманда з 8 краін: Расійская Федэрацыя, Украіна, Рэспубліка Беларусь, Індыя, Азербайджан, Рэспубліка Перу, Ізраіль, Бразілія.

На працягу 36-гадзіннага марафону ўдзельнікам была прапанавана да вырашэння практычная задача па планаванні ўстойлівага абслугоўвання банкаматаў, якая ўзнікла ў ходзе дзейнасці кампаніі-спонсара - SBERBANK Расіі. Удзельнікі былі тэхнічна жорстка абмежаваныя: на пошук рашэння прадастаўлялася 1 хвіліна працоўнага часу віртуальнай машыны. Перамагала тое рашэнне, якое ўкладвалася ў абмежаванне часу і атрымлівала лепшы вынік, аўтаматычна вызначаны па форме крытэрыя рашэння.

Па выніках выпрабаванняў каманда «APEX» заняла 3 месца. У яе склад увайшлі студэнты 3 курса факультэта матэматыкі і інфарматыкі Яўген Дземідовіч і Канстанцін Млынарчык, а таксама гуляючы трэнер каманды, дацэнт Сяргей Пятроў.

Узнагародай для прызёраў стала магчымасць навучання па магістарскай праграме «Data Science» на працягу 1 года ў Harbour.Space University ў Барселоне (Іспанія).

Арганізатары алімпіяды - факультэт камп'ютарных навук НДУ «Вышэйшая школа эканомікі», Harbour.Space University (ES, Barcelona), Yandex; залаты спонсар - SBERBANK, тэхнічны партнёр - Microsoft.