Для рабят, іх бацькоў і педагогаў падрыхтавана насычаная праграма: будзе арганізавана экскурсія па факультэце, сустрэчы з кіраўніцтвам факультэта, яго выкладчыкамі, студэнтамі і магістрантамі. Пра свой прафесійны шляху будучым абітурыентам раскажуць выпускнікі факультэта псіхалогіі ГрДУ імя Янкі Купалы, якія сёння паспяхова працуюць па прафесіі ў IT кампаніях, установах аховы здароўя і адукацыі. Абмеркаваць магчымасці працаўладкавання пасля заканчэння факультэта можна будзе з прадстаўнікамі арганізацый - заказчыкаў кадраў.

Акрамя гэтага, усе жадаючыя змогуць наведаць псіхолага-кансультатыўны цэнтр, кабінет дэкана, трэнінгавыя і навучальныя аўдыторыі, бібліятэку і выставу псіхалагічнай літаратуры і навуковых прац супрацоўнікаў факультэта псіхалогіі. Таксама для дзяцей і іх бацькоў будуць арганізаваны шматлікія майстар-класы і латарэя з розыгрышам памятных падарункаў.

Нагадаем, што Дні адчыненых дзвярэй - 2018 на факультэтах ГрДУ імя Янкі Купалы стартавалі ў лютым і завершацца ў ліпені. Больш падрабязна азнаёміцца з датамі правядзення Дзён адчыненых дзвярэй на факультэтах можна  тут.