Урачыстае адкрыццё Дзён нямецкай мовы і культуры адбылося 22 сакавіка. Са словамі прывітання да гасцей і студэнтаў звярнуліся першы прарэктар універсітэта Алег Раманаў, дэкан філалагічнага факультэта Іна Лісоўская і загадчык кафедры рамана-германскай філалогіі Надзея Уласюк.

У рамках Дзён нямецкай мовы і культуры прайшоў конкурс перакладу вершаў сучасных нямецкіх аўтараў на рускую і беларускую мову. Акрамя купалаўцаў у конкурсе прынялі ўдзел студэнты Беларускага дзяржаўнага ўніверсітэта, Беларускай дзяржаўнай сельскагаспадарчай акадэміі і Мінскага дзяржаўнага лінгвістычнага ўніверсітэта.

Шэсць каманд прадэманстравалі веданне нямецкай мовы ў лінгвістычным конкурсе. Удзельнікам спаборніцтва былі прапанаваны заданні, што выяўляюць моўную кампетэнцыю ў галіне фанетыкі, граматыкі, стылістыкі, марфалогіі і інш. і разлічаныя на розныя ўзроўні валодання нямецкай мовай. Выкананне заданняў патрабавала ад студэнтаў вырашэння цэлага шэрагу лінгвістычных і маўленчых задач з апорай на моўнае і маўленчае чуццё: тэкставую інтуіцыю і лінгвістычную здагадку. Акрамя выяўлення ўзроўню валодання мовай конкурс дазволіў адчуць прыгажосць нямецкай мовы, яго глыбокія рэсурсы, а таксама даў магчымасць студэнтам праявіць сябе, прадэманстраваць свае веды і сваё ўменне працаваць у камандзе.

У конкурсе відэаролікаў «Мая будучая прафесія»  студэнты філалагічнага і юрыдычнага факультэтаў у гумарыстычнай форме прадставілі свае спецыяльнасці. Падчас конкурсу «Наша Еўрабачанне»  студэнты выканалі песні на нямецкай, англійскай, французскай, рускай і беларускай мовах.

У рамках праграмы Дзён нямецкай мовы і культуры лектары DAAD правялі для студэнтаў майстар-класы, накіраваныя на паглыбленне ведаў нямецкай мовы, пашырэнне краіназнаўчага далягляду. Краіназнаўчы майстар-клас на тэму «Федэральная зямля Шлезвіг Гольдштайн» падрыхтавала валанцёр па праграме «Kulturweit» Кіара Грэгар, майстар-клас «Сучасная нямецкая літаратура» - лектар DAAD Аляксандр Міанскоўскі. Дацэнт Еўрапейскага ўніверсітэта «Віадрына» Аляксандра Еліттэ правяла майстар-клас «Майстэрня па пісьму на занятках па нямецкай мове», а семінар «Выкарыстанне фільмаў на занятках па нямецкай мове на прыкладзе фільма «One day in Europe» прайшоў пад кіраўніцтвам лектара DAAD Сузанны Бандау.

Лектар DAAD Анцье Зоммерфельд правяла майстар-класы для настаўнікаў нямецкай мовы школ горада Гродна і Гродзенскага рэгіёну і выкладчыкаў універсітэта. Па заканчэнні вучобы педагогі атрымалі сертыфікаты, якія пацвярджаюць павышэнне кваліфікацыі.