Падчас Дзён філалагічнага факультэта пройдуць літаратурныя акцыі  якія ўжо сталі традыцыйнымі -  «Чытаем разам» і конкурс прамоўніцкага майстэрства «Пад Зоркай Кірылы Тураўскага». У рамках агульнаўніверсітэцкага праекта «Жывая гісторыя» адбудзецца фестываль дзіцячай кнігі «Я - літаратурны герой» ( «Значыць, патрэбныя кнігі ты ў дзяцінстве чытаў!»), прысвечаны дзіцячым пісьменнікам, юбілярам 2018 года. Літаратурна-музычная прэзентацыя "Зямля пад белымі крыламі" будзе прысвечана Году малой радзімы, дзе студэнты філалагічнага факультэта прачытаюць свае вершы і прозу, выканаюць музычныя нумары ўласнага сачынення.

Адбудуцца прэзентацыі спецыяльнасцяў, сустрэча абітурыентаў з дэканам факультэта і загадчыкамі кафедраў. Абітурыенты атрымаюць кансультацыю па пытаннях паступлення на факультэт, пазнаёмяцца з яго жыццём. Упершыню запланавана публічная лекцыя для абітурыентаў усіх спецыяльнасцяў факультэта «Філалогія і я», якую прачытае доктар філалагічных навук, прафесар кафедры рускай філалогіі Таццяна Аўтуховіч.

Свае творчыя таленты студэнты змогуць прадэманстраваць падчас гульні КВЗ і спектакля па п'есе А.П.Чэхава «Вяселле».

З праграмай мерапрыемства можна  пазнаёмцца  тут.