Аб'яўлены конкурс на падачу заявак у рамках праграмы Erasmus + для студэнтаў, магістрантаў і аспірантаў Гродзенскага дзяржаўнага ўніверсітэта імя Янкі Купалы на навучанне ва  Універсітэце Арыстоцеля (Салонікі, Грэцыя) у восеньскім семестры 2018/2019 навучальнага года.

Даступныя 2 мабільнасці на навучанне для студэнтаў з Беларусі. Працягласць мабільнасці - 5 месяцаў.

Са спісам факультэтаў і прадметных абласцей можна азнаёміцца па спасылцы.

Неабходны ўзровень валодання англійскай альбо грэцкай мовай - B2. Памер фінансавання - 800 еўра ў месяц.

Заяўку і  пакет дакументаў  неабходна прадаставіць у аддзел па працы з замежнымі студэнтамі і акадэмічнай мабільнасці да 12 сакавіка 2018 года.

Па дадатковую інфармацыю можна звяртацца ў аддзел па працы з замежнымі студэнтамі і акадэмічнай мабільнасці па адрасе вул. Ажэшка, 22, аўд. 216, тэл. +375 (152) 68-12-44.