У склад дэлегацыі ўвайшлі дэкан фізіка-тэхнічнага факультэта Андрэй Герман і загадчык лабараторыі электрафізічных вымярэнняў Артур Ліцкевіч.Падчас сустрэчы дэлегацыі з рэктарам АрДУ Бауыржанам Ердембекавым, першым прарэктарам Куанышбек Шункеевым, дарадцам рэктара Канстанцінам Цхай, дэканам фізіка-матэматычнага факультэта Мясніковай Людмілай, начальнікам інавацыйнага тэхналагічнага парку Амірбекам Бекешавым, дырэктарам палаты прадпрымальнікаў «Атамекен» Акцюбінскай вобласці Нурлыбекам Муканавым, а таксама калектывам і студэнтамі фізіка-матэматычнага факультэта АрДУ, прадстаўнікі купалаўскага ўніверсітэта прэзентавалі сваю alma mater, абмеркавалі пытанні адукацыйнага працэсу.
Таксама дасягнуты дамоўленасці аб падрыхтоўцы сумесных навуковых публікацый у выданнях высокага ўзроўню і аб правядзенні стажыроўкі магістрантаў кафедры фізікі фізіка-матэматычнага факультэта АрДУ ў лабараторыі малекулярнай спектраскапіі ФТФ ГрДУ вясной 2018 года.
Асноўным вынікам візіту стаў кантракт на пастаўку распрацаванага купалаўцамі шматфункцыянальнага спектральнага комплексу на аснове аўтаматызаванага монахраматара і высокачуллівай сістэмы рэгістрацыі светлавых квантаў, якая працуе ў рэжыме ліку фатонаў, а таксама сістэмы кіравання спектральным комплексам на аснове монахраматара МДР-23.
Падчас візіту адбыліся сустрэчы з начальнікам інавацыйнага тэхналагічнага парку Амірбекам Бекешавым і з дырэктарам палаты прадпрымальнікаў «Атамекен» Акцюбінскай вобласці Нурлыбекам Муканавым.
Таксама для гасцей з Гродна была арганізавана экскурсія па цікавых мясцінах г. Актобэ.
- Представители ГрГУ имени Янки Купалы встретились с сотрудниками и студентами АрГУ имени К. Жубанова
- Были подписаны важные для обеих сторон договоры
- Сотрудники ГрГУ имени Янки Купалы обсудили с сотрудниками АрГУ имени К. Жубанова образовательные и инновационные процессы
- Представители ГрГУ имени Янки Купалы посетили АрГУ имени К. Жубанова
- Представители ГрГУ имени Янки Купалы рассказали о своих открытиях и переняли опыт у коллег