На ўваходзе ў корпус універсітэта гасцей сустракалі студэнты-купалаўцы, якія прапаноўвалі кожнаму каля фотозоны зрабіць сэлфі ці проста фота на памяць. Аматары мастацтва маглі наведаць арт-гасціную, а адважныя юнакі і дзяўчаты выпрабаваць свае стралковыя здольнасці на трэнажоры «СКАТ».

Адкрыла мерапрыемства рэктар ГрДУ імя Янкі Купалы Ірына Кітурка.

- Сёння ў Гродзенскім дзяржаўным універсітэце імя Янкі Купалы - свята: мы сустракаем маладое, актыўны, творчае, крэатыўнае пакаленне будучых студэнтаў. Я ўпэўнена, што будучыня ўніверсітэта за вамі, - падкрэсліла Ірына Фёдараўна. - Вы зараз стаіце перад выбарам, ад якога залежыць ваша жыццё і лёс. Перад такім выбарам у вашым узросце знаходзілася я. І я выбрала купалаўскі ўніверсітэт і не пашкадавала, бо маё жыццё стала больш насычаным, яркім, вучоба - захапляльнай. ГрДУ імя Янкі Купалы стаў універсітэтам маёй мары і маіх магчымасцяў: я прайшла шлях ад студэнткі да рэктара.

Выпрабаваць поспех у маментальнай латарэі «Поспех з ГрДУ» прапанаваў дэкан факультэта давузаўскай падрыхтоўкі Юрый Раманоўскі. Сярод удзельнікаў Дня адчыненых дзвярэй разыгрываліся сертыфікаты на бясплатныя заняткі «Рэпетытар-бліц». Іх шчаслівымі ўладальнікамі сталі навучэнец Слонімскага каледжа Мікалай і вучань сярэдняй школы № 23 г. Гродна Вячаслаў. Сертыфікат на індывідуальную адукацыйна-прафарыентацыйную экскурсію па адным з факультэтаў і абед з дэканам выйграла Лада, вучаніца сярэдняй школы № 5. Латарэя прадоўжылася на пляцоўках факультэтаў. Тут хлопцы даведваліся аб спецыяльнасцях, праектах купалаўцаў, маглі прыняць удзел у гульнях, апрабаваць на сабе распрацоўкі, створаныя студэнтамі і выкладчыкамі, і атрымаць адказы на пытанні. Купалаўцы падзяліліся сваімі сакрэтамі падрыхтоўкі да цэнтралізаванага тэсціравання і экзаменаў, а таксама распавялі, як вучыцца ва ўніверсітэце захоплена.

Школьнікі спяшаліся наведаць кожную пляцоўку. Шмат рабят можна было ўбачыць на факультэце матэматыкі і інфарматыкі. І не выпадкова, бо менавіта тут можна было пагрузіцца ў свет віртуальнай рэальнасці: надзеўшы акуляры Fibrum Pro, школьнікі бачылі перад сабой зусім іншую рэальнасць, дапоўненую незвычайнымі прадметамі і героямі.

Нямала было ўдзельнікаў на пляцоўцы факультэта біялогіі і экалогіі. Тут працавала зоолаборатория з трусамі і пацукамі. Таксама на пляцоўцы навучалі майстэрству стварэння фларыстычных кампазіцый і карвинга.

Прадстаўнікі юрыдычнага факультэта запрашалі хлопцаў папрацаваць на дэтэктыўнае агенцтва «НКВД (Ну Куды Вы дзенецеся?!)». Тут удзельнікі даведаліся пра тонкасці апытання і дадгляду грамадзян пры праходжанні мяжы, складалі фотаробатаў і вывучалі ўзоры рэчыўных доказаў.

Лазернае шоу на фізіка-тэхнічным факультэце і шоў аніматараў на педагагічным факультэце нікога не пакінулі абыякавымі. Сапраўднае захапленне ў школьнікаў выклікала спаборніцтва «Кампутар vs аловак» на інжынерна-будаўнічым факультэце.

Працавалі для будучых абітурыентаў майстар-класы. На пляцоўцы факультэта мастацтваў і дызайну школьнікі ўдасканальвалі свае навыкі малявання, на пляцоўцы факультэта гісторыі, камунікацыі і турызму - вучыліся рабіць якасныя і арыгінальныя фота, педагагічнага факультэта - «ламалі» мову, а факультэта інавацыйных тэхналогій машынабудавання - спрабавалі надрукаваць фігуркі на 3D-прынтары.

Больш падрабязная інфармацыя пра паступленне ў Гродзенскі дзяржаўны ўніверсітэт імя Янкі Купалы на сайце  www.abit.grsu.by