Спартсмены Гродзенскай вобласці паспяхова выступілі на спаборніцтвах і занялі другое агульнакаманднае месца. Гродзенцы сталі ўладальнікамі 18 медалёў, з іх 10 залатых. Трэць медалёў - заслуга студэнтаў Гродзенскага дзяржаўнага ўніверсітэта імя Янкі Купалы, якія ўвайшлі ў склад зборнай вобласці.
Лепшы вынік паказала студэнтка факультэта фізічнай культуры Ірына Жук. Дзяўчына не толькі стала пераможцай чэмпіянату ў скачках з шастом, але і ўсталявала нацыянальны рэкорд, пераадолеўшы планку ў 4 м 57 см. Сярод мужчын у гэтым выглядзе спорту не было роўных студэнту факультэта фізічнай культуры Юрыю Ярэмічу, які ўзяў вышыню ў 5 м 20 см.
Перамогу на чэмпіянаце атрымаў і пастаянны прызёр рэспубліканскіх спаборніцтваў, студэнт факультэта фізічнай культуры Ян Слома. Спартсмен прыйшоў да фінішу першым у бегу на 800 м і 1500 м.
У бегу 4х400 м Ян Слома і Сяргей Пустабаеў, таксама студэнт факультэта фізічнай культуры, у складзе гродзенскай каманды сталі першымі.
Трэцяе месца ў бегу на 60 м з бар'ерамі заняў студэнт факультэта фізічнай культуры Віталій Жук.
Спаборніцтва былі накіраваны на папулярызацыю лёгкай атлетыкі ў Рэспубліцы Беларусь і павышэнне спартыўнага майстэрства спартсменаў.