Стыпендыі Прэзідэнта Рэспублікі Беларусь у 2018 годзе прызначаны 55 аспірантам: прадстаўнікам медыцынскіх, тэхнічных, прыродазнаўчых, гуманітарных, сельскагаспадарчых навук. Усе стыпендыяты выконваюць дысертацыйныя працы па прыярытэтных напрамках навуковай дзейнасці. Вынікі даследаванняў прадстаўлены на рэспубліканскіх і міжнародных канферэнцыях, апублікаваны ў навуковых выданнях, знайшлі прымяненне ў вытворчасці, лячэбнай практыцы і адукацыйным працэсе.

Сярод стыпендыятаў - чатыры прадстаўнікі Гродзенскага дзяржаўнага ўніверсітэта імя Янкі Купалы: аспірант філалагічнага факультэта Раман Жытко, аспірант факультэта біялогіі і экалогіі Таццяна Ільіч, аспірант факультэта фізічнай культуры Наталля Крывіцкая і аспірант юрыдычнага факультэта Артур Міськевіч.

Прыняцце распараджэння Прэзідэнта Беларусі накіравана на стымуляванне падрыхтоўкі навуковых работнікаў вышэйшай кваліфікацыі, развіццё айчынных навуковых школ і падтрымку навукова-даследчай дзейнасці таленавітых маладых навуковых кадраў.