Таццяна Уладзіміраўна працавала ў групах студэнтаў пачатковага і прасунутага этапаў навучання аддзяленняў рускай філалогіі і ўсходазнаўства польскага універсітэта, дзе дзялілася вопытам выкладання рускай мовы. Таксама прыняла ўдзел у навукова-метадычным семінары кафедры прагматыкі камунікацыі і лінгвадыдактыкі, выступіўшы з аналізам асаблівасцяў у навучанні рускай мове як замежнаму ў Гданьскім і Гродзенскім універсітэтах. У час размовы з супрацоўнікамі кафедры Таццяна Чаркес распавяла аб магчымасцях курсаў для выкладчыкаў «Інавацыі ў навучанні рускай мове як замежнаму», якія ўпершыню былі арганізаваны ў купалаўскім універсітэце ў жніўні 2017 года.

На сустрэчах са студэнтамі Гданьскага ўніверсітэта Таццяна Уладзіміраўна прэзентавала магчымасці Зімовай і Летняй школ рускай мовы, ініцыятарам і арганізатарам якой ужо тры гады з'яўляецца кафедра моўнай падрыхтоўкі беларускіх і замежных грамадзян, а таксама адказала на пытанні польскіх студэнтаў.

Даведка

Дагавор аб міжнародным супрацоўніцтве кафедра прагматыкі камунікацыі і лінгвадыдактыкі Інстытута русістыкі і ўсходазнаўства Гданьскага ўніверсітэта і кафедра моўнай падрыхтоўкі беларускіх і замежных грамадзян ГрДУ імя Янкі Купалы заключылі ў 2015 годзе. У рамках дагавора прадстаўнікі кафедраў публікуюць калектыўныя манаграфіі і навуковыя артыкулы. Супрацоўнікі Гданьскага і Гродзенскага ўніверсітэтаў прымаюць удзел у навуковых канферэнцыях у Беларусі і Польшчы, а студэнты польскага ўніверсітэта з 2015 года актыўна ўдзельнічаюць у Летняй школе рускай мовы. На працягу 2017 года на кафедры моўнай падрыхтоўкі беларускіх і замежных грамадзян стажыраваліся 6 выкладчыкаў Інстытута русістыкі ўсходазнаўства Гданьскага ўніверсітэта, а чацвёра сталі слухачамі курсаў  «Інавацыі ў навучанні рускай мове як замежнай».